Daniel 6:23 - Nobonob Baibel

²³ Daniel anam a, king doya, nug gamag ahak huananab doya, ag Daniel humappeg bekkunu haknunab aum. Nug a, ag Daniel humaeg be, nug nuhig Kayaknu ooppa genab doyom amunu, ag nug beɗuppa eheɗ o guittak laa ii anidppig.

Daniel 6:23 Referans Kwoze

1 Stori 5:20

Ag ban henana, ag Kayak unuqidppig amunu, Nug ehanatte, ag Hagri danab, ahilag ehanattak ele eɗadppig. Ruben danab, Gad danab, amu Israel dilag huu okkai Manase huu mahaib amunu danab, danab amu ag Kayaknu oolagppa genab dooppig amunu, ag Nug unuqitteg, Nug ag ehanattom.

Daniel 3:25

Ag anam aeg, Nebukatnesar nug aum. “Amge antteg! Da danab waɗele qakkalattak iitta, aab aɗuppa oitteb, ag guittak laa ii aotteb anadttem. Ewam ag am danab anadttem, amge waɗele nug am kayak bekkalag laa bia anidttem,” awa aum.

Mak 9:23

Nug anam a amu Jesus Nug aum, “Da hekkulnu elele, amge na amunu ootppa genab doottemte? Danab nug ooppa genab doyak ele amu, nug keeke oh hekkunu elele,” awa aum.

Daniel 6:18

Anam daye, king nug eɗua, nuhig lag enanagnabppa ukka, nug tuqan amu ee laa ii laum. Nug danab, o ah ag ahi keeke edappeg, ena dookkunu ele uuom. Nug niikkun elele iitta.

Aisaia 26:3

O Yawe, danab ah ag nahipnu dabmenan oin, dabmak amu ɠagattag aɗan oitteb ele amu, na hee, maɗoɗ enanagnab ag oolagppa daatte. Aɗinu? Ag nahipnu oolagppa genab dootteb.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Sam 37:40

Yawe Nug genab tutukku hak danab dilag padal mak eɗitteb ena dayaknu ehanittak daatte; ag ena daaglagnu ag Nug gumidna uɗitteb amunu, Nug ag ehanatte, nau hak danab ag ii eɗadtteb. Ao, Nug ag atognoatte, ag hipunin danab eppelagppa ii daatteb.

2 Stori 20:20

Aria anam heeg ukke, deɗ amu uue, deɗ amu wagɗe, Juda dilag daup ag ahan, atu taɗak onig Tekoa, ag appa gokkulagnu goppig. Ag gokkulagnu daaegeg, Jehosapat nug aha, danab ah amelagppa aum. “O Juda danab ah oh, laa ag Jerusalemnu, laa ag Juda wanppa laih laihnu, ag dahil nai doyeg! Ag Yawe, ahilag Kayak, ag nuhignu oolagppa genab doyeg! Ag amu hekkulag dayeb, Nug heeb, ag ɠagattag qak daaglag. Ao, ag nuhikkud propet nainu oolagppa genab doyeg! Ag amu hekkulag dayeb amu, ag aɗi hekkulagnu hetteb, amuam meu okku.” Jehosapat nug anam awa aum.

Hibru 11:33

Danab amu ag Kayaknu oolagppa genab dooppig amunu, ag wan laalappa ele ban hena eɗidna, ahilag wan aon, ag nai doya mala hettoɗia elele mettak kobol dim lamidna, epeɗiak tutukku hena, ag Kayak keeke madakkunu nai qakka aum amu aona, amu ag laion oɗelag qamutppig.

Daniel 6:14

Ag anam aeg, king doya, ooppa uug naunab doyom. Doya, nug Daniel ehanitteb, ena daakkunu dabmak ɠagattag awa, wagainab ma heehe, uudoum.

1 King 5:7

Hiram nug Solomonnu oɗmak amu doya, nug nai amunu ooppa enanagnab doya, nug inam aum. “Gemu ig Yawe amegppa, ‘Ena heme,’ ata, Nug binag mekkunig. Aɗinu? Nug Dawitnu nid imu, nug doyak dabmak ena ele Dawit abenabppa daakkunu, nug danab ah huu okkainab, ɠagattag ele imu gumadkkunu Dawit abenabppa meum,” awa aum.

Eksodas 18:9

Jetro nug Yawe Israel danab ah Isip eppelagppanu eɗua diiomnu nai amu oh doya, nug enanagnab doyom.

Daniel 3:17

Na heppe, laa ag buɗigppeg, aab ewak naɗippa tekkunig dayeb amu, Kayak, ig Nug waappa daatta nuhig maɗi nid daattem, Nug ehanikkeb, ena daagnignu elele. Nug elele amunu, ⌊Nug amu hekkunu ena anidkku dayeb,⌋ O king, Nug ehanikkeb, ig na eppenppa ii daamta.

Sam 18:21

Aɗinu? Da Yawe oɗe dim lamidmi. Ao, da Kayak dahil dimettalom amu, da nau helom, amge da kobol eheɗ ii hemi.