Daniel 6:21 - Nobonob Baibel

²¹ King ewa anam a, Daniel nug nob ma aum. “O king, na hanhan bau daakkutnu ool daatte.

Daniel 6:21 Referans Kwoze

Daniel 2:4

King nug ag amelagppa anam a, doyak danab amu ag Aram dilag naippa nob mena appig. “O king, na hanhan bau daakkutnu oonig daatte! Na ig, nahipad maɗi nid, na ig amenigppa na tul niin, aɗi anidme appe doot, ig amunu meu mehuqpput dookkut,” aon appig.

Daniel 6:6

Danab okkainab aɗit, danab okkai 120 laa ele ag anam anana, ag oh ahan, king toppa gona, ag king amegppa appig. “O King Darius, na hanhan bau daakkutnu oonig daatte.

Nehemaia 2:3

Da baɗami, amge da king amegppa ami. “O king, na hanhan bau daakkutnu ool daatte. Amge da alai aɗi dakkeɗalag, da mamelad aɗi ag aguppa daan oin mauheg boumadppig amu, kekeɗ ag aab okkai amu heeg nauhe, ag aab amu aɗnu od ele aab aɗuppa manatteg eoppig. Ag anam heppig, amu da oolppa uug okkai doottem,” awe ami.

Daniel 3:9

Ag amu anidna, ag ahan, King Nebukatnesar toppa gona, ag appig. “O king, na hanhan bau daakkutnu oonig daatte.

Daniel 3:26

Nebukatnesar nug anam awowa, aab ilappig ele, lag oo am laippu, gilil men o wanppa hak keeke, ag oo amuppa aab ilappig, Nebukatnesar nug oo amunu od guguittak ukka, nug ewa aum. “Satrak, Mesak, Abetnego ele, ag Kayak Attannab Laa Oh Eɗattak waappa daanna nuhig maɗi nid daatteb ele, ag dimittim, dahilppa uɗieg!” awa eum. Nug anam e amu, ag dimittim uɗippig.