Daniel 5:7 - Nobonob Baibel

⁷ King nug beɗu anam he, king nug emaɗ danab, doyak danab, eman danab ele ag uɗiglagnu onilagppa baag okkaippa e doeg, king nug aum. “Aun nug nai eppeg laa ba yom umu ebqa, nuhig meu ele ab dookkul amu, da lamen perpel ele metten, baagppan sen golppa hak ele metten, da heppi, nug Babilon gabman ooppa okkainab, da, laippu laa ele, nug i waantippaib daakku. Laa oh ag nug waappa daaglag,” awa aum.

Daniel 5:7 Referans Kwoze

Daniel 5:29

Daniel nug Belsasar amegppa anam a, Belsasar nug haknunab a, ag lamen perpel aon, nug aɗuitteg no, ag sen golppa hak ele aon, baagppa palitteg, Belsasar nug Daniel Babilonnu gabman ooppa danab okkainab, gabmannu okkai aɗit aakkuib waantippa daakkunu a, Daniel nug Babilonnu gabman ooppa okkainab aakku dayom. Belsasar, laippu laa ele aa aya, Daniel waappa ii daapiɗ. Laa oh ag nug waappa daappig.

Daniel 5:16

Ag elele iitta, amge na tul niiaknu meu mehuqkkutnu, na keeke uug elenu diig ele mehuqkkutnu elele aeg doottem. Amu na nai eppeg laa gililppa yom amu ebqena, nuhig meu ele appe dookkul dayeb amu, da lamen perpel metten, baagppan sen golppa hak ele metten, da heppi, na Babilon gabman ooppa okkainab, da, laippu laa ele, i waantippaib daakkut. Laa oh ag na waatppa daaglag,” awa aum.

Daniel 2:48

Nebukatnesar nug anam awowa, nug he, Daniel nug danab okkainab abenabppa te, king nug keeke ena ena kuɗum Daniel mettom. Nug he, Danab okkainab abenabppa teum amu, aben amuam nug prowins onig Babilon, nug prowins amunu danab ah dilag okkai daya gumattatta, nug Babilon wannu danab doyak ele oh ele gumattom.

Daniel 2:6

Amge ag da tul niien, aɗi keeke anidmi, tul amunu meu ele ippuniɗkkulag dayeb amu, da ag keeke ena ena okkai, binalag okkai ele ag madakkul amunu, ag da tul niien anidmi, tul amunu meu ele appeg doyei!” awa aum.

Daniel 2:2

King Nebukatnesar nug niikkunu elele iitta daye, nug baɗ mak danab digdig, emaɗ danab, doyak danab ele ag nug aɗi tul niiakppa anttom, ag amu appeg dookkunu onilagppa eum. Nug ag onilagppa e, ag uɗin, nug noobppa daappig.

Esekiel 16:11

Da na beɗunnu bala enanag mettami. Amuam da eɗi eppenppa mein, da kalele ele baatppa memi.

Aisaia 47:13

Ag Babilon danab ah, ag ge iitta gonana, eman hak danab, ag hoɗoppai anadnana, aɗi aɗi haknu am ena dabmetteb ele amu, ag ag aɗi aɗi heppeg bekkunu ulum nai appig doon, ag bahilag yom, amge ag ii uuppig. Ukkakib goppig amunu, gemu danab amu, ag hanhan hoɗoppai anadnana, ag kalam anen anenppa ag Babilon danab ah ag aɗi hekkulagnu appig amu, ag ahan ehanatteg! Ag ahan, keeke bekkunu daatte amu, uug naunab amu bemanu ehanadppeg aib beum!

Daniel 4:14

Laa amu nug baag okkaippa ewa aum. ‘Ag uɗin, ad imu oppeg qiiaɗ! Ebekkud oh otaɗadna, uɗukkud matagna akkan, meu ele agappeg, laih laih ukkeg! Doɗ ad amu waappanu oolna goppeg, ebekkudppanu, ai ele ag ukkeg!

Solomonnu Ahi 1:10

Na dautppan bala am bid elab, bid amuam he, na hippen laih laih oh am neekkaknu enanagnab daattep; baatppa amu kalele, men daden nob okkainab eleppa hak daatte amunu, na baat ele am neekkak enanagnab.

Prowerb 1:9

Aɗinu? Tolittak nai dahil, aninnu ippunittak nai ele amu, amu oh am baɗi, ikkin bala mettaknu bia daakku; am kalele, na baat bala medakkunu bia daakku.

Esta 3:1

Haen laa dimppa, King Ekserksis nug Haman he, wan amunu ikki danab anuqak beum. Haman nug am Hamedata bekka. Hamedata nug am Agag buɗubppan. Nug ikki danab anuqak beum amunu, nug kingnu anuqak danab laa oh eɗattak.

1 Samuel 17:25

Amu ag akka ag nai mattin inam appig. “Danab umu antteg! Nug haen oh uɗia, guhig ahaknu nai ig Israel, ihinignu ette. King Saul nug danab laa nug nob, Pilistia danab amu ele ban heya, qeeb mauhkku ele amu, Saul nug danab amu en okkainab mettowa, amu nug aɗeg danab amu wau daakkunu ele danab amu medakkunu nai qakka ana, nug geha ɗo laa meeb, danab amu nug Pilistia danab amu qeeb mauhkku amu, nug mameg baekkudppa amu, ag am Israel wanppa takis ewaknu ii dabmemananu ele atte.” Israel ban danab ag nai amu madippig.

Namba 24:11

Na anam heme amunu, na appanppa pahanab ukke! Da ami, na uɗin, dahil kekeɗ dilagnu ag eheɗ laa anak waappa daaglagnu akkut amu, da na nob okkainab medakkul ami, amge Yawe Nug na nob okkai aomnanu ib keldoum,” awa aum.

Namba 22:7

Balak nug nai awa ukkak danab, ag am Moap dilag, Midian dilag ikki danab ele, nug ag Balam amegppa nai amu appeg dookkunu amelagppa a, ag men doɗo Balam uɗat amu hekkunu daden mettaglagnu ele aon, nug gumidna goppig. Ag Balam toppa tena amu, ag Balak aɗi aum, nug amegppa appig.

Genesis 41:8

Nug amu doya, wagɗe buttuanab amu Paro nug tul niiak aɗitnu dabmak kuɗum awe, oo ii maitte, nug Isip dilag baɗ mak danab, doyak danab ele onilagppa e, nug noobppa goppig. Ag ukkaeg, Paro nug tul niiom, nug amu ag amelagppa mattiom, amge ag mehuqkkulagnu am elele iitta.

Eksodas 7:11

Paro nug amu antta amu, nug nuhikkud doyak danab, emaɗ hak danab, ele onilagppa e uɗippig. E uɗina, Isipnu baɗ mak danab amu, ag baɗ mak kobol ahilag hena, ag ele kobol amu heppig.

Jeremaia 50:35

Amu Yawe Nug atte. “Ag kekeɗ ag uɗin, qep elabppa Babilon aqeg! Ag danab ah oh Babilon wanppa daatteb ele, ag am oh qep elabppa aqeg! Ag Babilon dilag ehanittak anuqak danab, Babilon dilag doyak dabmak ele danab ele oh aqeg!

Daniel 1:4

Am Nebukatnesar nug Aspenas Israel laa tituanadkkunu ana, nug Israel ag am inam elenu aum. Ag nid danab bau. Ag beɗulagppa eheɗ laa iitta. Ag iɗulag tuqak ele. Ag nid danab sul hena, keeke digdignu doyak aoglagnu uug iitta ele. Ag sul nakok okkai aon malappig ele. Ag keekenu diignu doyak tutukku paha aɗaglagnu uug iitta ele. Dimppa ag king ehanidkkulagnu elele. Aria Aspenas nug anam tituanattowa, nug Babilon dilag nai, ahilag kaya yaak daatteb ele ippunadkkunu nug amegppa aum.

Daniel 1:20

Ag kingnu ikki danab daaeg, king nug aɗi doyak dabmak ena elenu keeke, o diignu doyak tutukkunu keeke, nug amunu oɗ mattom amu, ahilag oɗmak nob amunu am ena, elelenab. Wan amuppan baɗ mak danab digdig, ag ele oɗmak amunu nob king medappig, amge ahilag nob, amunu meu am huppu nakokib awom. Daniel laikkud ele dilag nob am meu okkainab king ippunittom. Kingnu ɗo maɗoɗ ohppan danab amu, ag oh anamib.

Daniel 2:27

King anam oɗ mette, Daniel nug aum. “O king, doyak danab laa, o emaɗ danab laa, o baɗ mak danab laa, o eman danab laa nug king atte bia hekkunu elele iitta,

Daniel 5:11

Nahip ɗo maɗoɗppa danab laa daatte, kayak ouɗi nuhigppa daatteb. Na mamen nug king dayeye, laa ag danab amu nug dabmak meu unuqagnu ele, nug dabmak pehettak ele, nug doyak dabmak ena ele amu, laa ag nug amubia daye anidppig. Nug kayak daatteb bia daye anidppig. Am Nebukatnesar, nug na mamen, nug king, nug danab amu nug am Babilon dilag baɗ mak danab, emaɗ danab, doyak danab, eman danab ele dilag okkai daakkunu tituana, nug aben amuppa meum.

Daniel 5:15

Amu Babilon dilag doyak danab, baɗ mak danab ele da ag eppeg laa tula ba, gililppa nai yom, ag nai amu ebqena, meu appeg dookkulnu da hei, laa omaladna doeg, dahilppa uɗippig, amge ag am elele iitta.