Daniel 5:19 - Nobonob Baibel

¹⁹ Kayak Nug king abenab attannab nug mettom amunu, wan atu ohppan danab ah, nai ohppan danab ah ele ag na mamen baɗidna, hahaɗppig. King nug laa mauhkkulagnu oo heum amu, nug he mauhppig. Laa nug ag bau daaglagnu oo heum amu, nug he, ag bau daappig. Laa nug ag okkai daaglagnu oo heum amu, nug he, ag okkai daappig. Laa ag onilag iitta daaglagnu oo heum amu, nug he, ag onilag iitta daappig.

Daniel 5:19 Referans Kwoze

Daniel 3:6

Laa nug dottog amu noobppa dup noa binag ii mekku dayeb amu, laa ag nug pahanab aon, aab ewak huanaknab eotteppa buɗippeg gokku,” awa aum.

Daniel 3:4

Ag anam daaegeg, nai ab dooglagnu danab laa aha, baag okkaippa inam a dooppig. “O danab ah, ag huu anen anennu, ag wanppan wan anen anennu, ag nai ohppanu, ag uɗin daatteb ele amu, king nug ag aɗi hekkulagnunab aum amu ag doyeg!

Rom 13:1

Gabman uɗat am nukka ii beum. Iitta. Gabman uɗat oh Kayak nukka meum amunu, danab oh ag danab gumaknu ehah ele waalagppa dayeg! Gumaknu ehah anen anen oh daatteb amu, Kayak maattom daatteb

Jon 19:11

Anam a amu Jesus amegppa aum. “Attannu laa Nug na ɠagattag ii mettalo amu, na dahilppa aɗi hekkutnu elele iitta amunu, aun nug da na eppenppa meiɗom ele, nuhig hipunin am okkainab, nahip eɗittak,” awa aum.

Habakuk 2:5

Anam amu, wain am danab amu he, na qette. Ao, beɗuppa tak danab amu nug toetta ii daatte. Mauhak aben am, ‘Elele! Danab mauhppig baula imuppa aib uɗippig,’ attete? Iitta! Ge, mauhak am, ‘Da hei, danab ah elele mauhppig,’ attete? Iitta! Anam amunu, amubia danab amu ⌊am Babilon dilag okkai amu⌋, nug wanppan wan ohnu danab ah nug waappa daaglagnu diiakib diiadtte. Ao, nug atu ohppan danab ah diiatte, nug eppegppa daatteb.

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.

Daniel 3:29

Ahilag Kayak anam ehanatte, ena daatteb amunu, da ɗo imu iikku mettem. Danab auntai, nug huu attenppanu, o nug ɗo maɗoɗ adekkuppanu, o nuhig nai am aɗi nai, keeke amu oh am keeke hamu, amge danab auntai laa nug Satrak, Mesak, Abetnego ele dilag Kayaknu nai eheɗ laa akku dayeb amu, laa ag danab amu beɗu tuqappeg, huppu naunau neeb, ag nug laug ele loppaɗppeg, kinipan ameg okkai hume tak anamib daakku. Kayak laa nug imubia danab ehanitteb, padal ii memananu laa iitta amunu, da ɗo anam mettem,” awa aum.

Prowerb 16:14

King nug oppoɗi bak doya, nug danab laa qeeb mauhkkunu elele; amge danab doyak dabmak ena ele nug ha, kingnu oppoɗi bak bodoedakkunu ib madikku.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

2 King 25:28

Ewil Merodak nug Jehoiakin amegppa nai ena mattia, Ewil Merodak nug king laa oh nug ele Babilon daappig amu, nug Jehoiakin amu oh dilag aben eɗittak mettom.

Esekiel 31:11

diig amunu da hei, wan laappan okkai nug ad amu nau heumnu bu medakkunu nug eppegppa dayom. Da ad am uui,

Daniel 4:17

Danab ah ag Kayak Attannab Laa Oh Eɗattak Nug wanppanu ɗo maɗoɗ oh gumadtte dooglagnu, ag auntai laa nug ɗo maɗoɗ laa dilag okkai daakkunu amu, Kayak Nugib he, danab laa, danab onig eletai, o danab onig iittanab eletai, nug huu dilag okkai daatte dooglagnu amu, amu miag atitte. Nai awa ukkak danab ag nai imu mattieg, laa dootteb. Ao, laa ag Kayaknu oppiaawak ele daatteb, ag keeke imu bekkunu nai imu atteb,’ awa eum.

Daniel 11:3

Amge Grik wanppa king ɠagattagnab ele aha ba, king dayaya, nug ɠagattagnab anam dayaya, nug aɗi hekkunu dabmekku amu nug hekku.

Daniel 11:16

Wan yawalti uɗitteppanu daatte, amu dilag king nug ɠagattagnab amunu nug ooppa aɗi hekkunu oo daatte amu, nug aakku hekku. Laa nug nuhig ib oo nekkunu elele iitta. Nug wan enanag, am Israel wan amu, nug amuppa hibaitta daakku. Nug wan amu heeb nauhkkunu ɠagattag elele.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Eklisiastis 8:3

Na kingnu uɗat aɗi hekkutnu daattem amu, na uɗat amu he! Na aib uume. King nug aɗi hekkunu oo daatte amu, nug hekkunu elele amunu, na laa eheɗ hekkulagnu hetteb ele, na ahilag maittak aib ɠagattag qettame.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 11:12

Ag nug eppegppa anam daappeg, wan yau uɗitteppanu king nug dada danab ba dayaya heeb, ⌊nuhikkud daup ag⌋ danab tausen gane aqaglag, amge nug ele na qekku.