Daniel 5:17 - Nobonob Baibel

¹⁷ King nug Daniel amegppa anam a, Daniel nug nob ma aum. “O king, na keeke ena ena meɗakkutnu attem am da aokkulnu ool ii daatte. Na keeke amu nahipnu aɗakkut, o laa medakkutnu ool daatte. Amge da nai eppeg gililppa yom daatte umu, da ebqein, meu ele appi dookkut.

Daniel 5:17 Referans Kwoze

2 King 5:16

Nug anam aum, amge Elisa nug amegppa inam aum. “Yawe, da am nuhig maɗi nid amu, ⌊Nug, da iitta, Nug he, na ena daattem amunu,⌋ Yawe Nug genab bau daatte, genab amubia da keeke laa ii aopa,” awa aum. Amu Naman nug Elisa keeke amu aokkunu nakok wagai meum, amge nug ii awom. Iitta.

Genesis 14:23

‘Da nahip keeke huppu nakoknab laa ii aopa. Aɗinu? Na, “Da Abram keeke kuɗum mettami amunu, nug keeke ele daatte,” na amu dahilnu amananu, da anam ami.’

Aposel 8:20

Saimon nug aum, amge Pita nug amegppa aum. “Na Kayak Nug keeke ihinig daakkunu hamu megatte men doɗoppa aokkutnu hettem. Men doɗo nahip amu na ele oh padal memayanu na dabme!

Daniel 5:29

Daniel nug Belsasar amegppa anam a, Belsasar nug haknunab a, ag lamen perpel aon, nug aɗuitteg no, ag sen golppa hak ele aon, baagppa palitteg, Belsasar nug Daniel Babilonnu gabman ooppa danab okkainab, gabmannu okkai aɗit aakkuib waantippa daakkunu a, Daniel nug Babilonnu gabman ooppa okkainab aakku dayom. Belsasar, laippu laa ele aa aya, Daniel waappa ii daapiɗ. Laa oh ag nug waappa daappig.

Daniel 2:6

Amge ag da tul niien, aɗi keeke anidmi, tul amunu meu ele ippuniɗkkulag dayeb amu, da ag keeke ena ena okkai, binalag okkai ele ag madakkul amunu, ag da tul niien anidmi, tul amunu meu ele appeg doyei!” awa aum.

Sam 119:46

Da nahip ɗonu king amelagppa abippi, ag heppeg, da uɗal ii nema.

2 King 5:26

Nug aum, amge Elisa nug Gehasi amegppa aum. “Da ouɗil amu na ele daaeheh, amu haen danab nug uɗan tekkunu karis aɗa oola na, hibaitta dayom ele amu, da doomi. Gehasi gemu am men doɗo, o lamen, o olip dad, o grep dad, o sipsip, o makau, o maɗi nid, o maɗi ah awaknu haen iitta.

2 King 3:13

Ag nona, nuhigppa teeg amu, Elisa nug Israel dilag king amu antta, nug amegppa inam aum. “Na aɗinu da gumiɗna uɗime? Na mamennu propet nug anukka gumatta gottom, am na aninnu propet nug anukka gumatta gottom amu, na amu gumadna golom,” awa aum. Elisa nug anam a amu, Israel dilag king nug Elisa amegppa aum. “Na amubia amananu oɗ medattem. Aɗinu? Yawe Nug nukka ig king ewam imu Moap dilag king eppegppa meikka qagmeikkom,” awa aum.