Daniel 3:7 - Nobonob Baibel

⁷ Danab amu anam a, danab appa daappig, ag dooppig amunu, haen laa ag trampet, dumuttum, gita diig laa, laia, harp, amu musik haknu keeke laa oh heegeg, danab ah, ag huu anen anennu, ag wanppan wan anen anennu, ag nai ohppanu, ag appa daappig amu, ag dottog golppa hak, King Nebukatnesar qappom, ag dottog amu noobppa dup nona binag meppig. ⌊Amge Satrak, Mesak, Abetnego ele ag dottog amu noobppa dup nona binag ii meppig.⌋

Daniel 3:7 Referans Kwoze

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.

Revelesen 17:8

Na doɗ dakkuɗ anidme amu, nug tatam dayom am gemu nug ii daatte, amge dimppa nug moɗ oɗe noa ukka batak iitta eleppanu bekku. Ba amu nug geha padal mekku. Wanppanu danab ah laala ag buk laa, amuam buk onig Bauklel Awe Onig Yaaknu Buk, Kayak Nug wan digma heum, haen amuppa ag onilkad buk amuppa ii yaak ele, ag doɗ dakkuɗnu ottaina dabmak kuɗum aoglag. Aɗinu? Anukka nug dayom, gemu ii daatte dimppa nug moɗppanu bekku.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Revelesen 13:3

Doɗ dakkuɗ amu nug ikki laippuppa am mauhaknu ihi ele, amge ikki amuppanu ihi amu qaɗaietta ena dayom. Ena daye, wanppanu danab oh anidna ottaina dabmak kuɗum aona, dim lamidppig.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

1 Jon 5:19

Ig doottem, ig Kayak bekkod daattem, amge wanppanu danab ag Satan waappa daatteb.

Jeremaia 51:7

Wan atu laihppa danab ag hipunin heeg, Yawe Nug ahilagnu oppoɗi be, Nug Babilon ag bu madakkunu uɗat mattom. Nug matte amunu, Babilon kap golppa hak Yawe Nug eppegppa aɗom bia dayom. Yawe Nug danab ah hipunin heppig dilag oppoɗi beum amu, oppoɗi bak amuam wain nau kap-ppa daatte, amubia. Amu Yawe he, wan atu ohppan danab ah ag wain nau amu laeg, kaaka aqom.

Aposel 14:16

Anukka, Kayak Nug danab ah buɗub ohnu ag ib digdig gokkulagnu aib ii aum

Daniel 2:46

Daniel nug tul niiak amunu Nebukatnesar amegppa a, Nebukatnesar nug Daniel binag okkai medakkunu nug noobppa gateg qaun o, gomela iɗu wanppa meum. Nug binag okkai Daniel metta, laa ag nug doɗ laa manan mettaknu, kalu danab ile muttuɗig enanag bette ele aon ilan, Daniel mettaglagnunab mattia aum.

Daniel 3:4

Ag anam daaegeg, nai ab dooglagnu danab laa aha, baag okkaippa inam a dooppig. “O danab ah, ag huu anen anennu, ag wanppan wan anen anennu, ag nai ohppanu, ag uɗin daatteb ele amu, king nug ag aɗi hekkulagnunab aum amu ag doyeg!

Daniel 3:5

Ag anam daappeg, laa ag trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele heppeg ag doon, ag dottog golppa hak King Nebukatnesar qappom noobppa dup nona binag meig!

Daniel 3:6

Laa nug dottog amu noobppa dup noa binag ii mekku dayeb amu, laa ag nug pahanab aon, aab ewak huanaknab eotteppa buɗippeg gokku,” awa aum.

Daniel 3:8

Anam daye, Babilon dilag doyak danab laala ag Juda danab uug mattaglagnu ib aakku anidppig.

Daniel 3:10

O king, na ɗo laa meme amu, amuppa na laa ag trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele heppeg, danab oh ag dottog golppa hak noobppa dup nona binag mekkulagnu ame.