Daniel 3:3 - Nobonob Baibel

³ Nug anam nai me ukke doon, Nebukatnesarnu ehanittak danab digdig, laa ag gumak danab anuqaknab daappig, laa ag aab gumak danab, laa am gawana, laa ag king dabmak mettak danab daappig, laa ag wan amunu men doɗo gumappig, laa ag epeɗiak danab daappig, am laa ag kingnu ehanittak anuqak danab laala oh ele, danab amu oh ag uɗin, ag dottog King Nebukatnesar qappom qeapiglagnu, ag dottog amu noobppa daappig.

Daniel 3:3 Referans Kwoze

Revelesen 17:17

Ag oolag laippu mena, gumaknu ehah, ag amuppa king daatteb ele amu, ag oh gumaknu ehah amu doɗ dakkuɗ mettaglag. Ib amuppa ag Kayak nug dabmak amu ag oolagppa meum, ag Nug keeke anam bekkunu maittak awom am genab heppeg meu okku. Ag anam heppeg ukkeb, Kayak dabma mattiom amu, nai amu oh meu okku.

Revelesen 17:13

Ag ahilag dabmak am laippu amunu, ag ɠagattag ahilkad, ahilkad gumaknu ehah ele, ag amu oh doɗ dakkuɗ mettaglag.

Rom 3:11

Danab laippu laa nug diignu doyak tutukku ele iitta. Amu danab laippu laa Kayak madikkunu ii hette.

Daniel 3:2

Nebukatnesar nug anam he, ag dottog amu hena malaeg, Nebukatnesar nug nuhikkud ehanittak danab digdig onilag eum; laa ag gumak danab anuqaknab daappig, laa ag aab gumak danab, laa ag gawana, laa ag king dabmak mettak danab daappig, laa ag wan amunu men doɗo gumappig, laa ag epeɗiak danab daappig, am laa ag kingnu ehanittak anuqak danab digdig danab daappig, amu nug ag oh prowins anen anennu uɗin, dottog amu qeapiglagnu nug nai me, ahilagppa ukkom.

Daniel 3:4

Ag anam daaegeg, nai ab dooglagnu danab laa aha, baag okkaippa inam a dooppig. “O danab ah, ag huu anen anennu, ag wanppan wan anen anennu, ag nai ohppanu, ag uɗin daatteb ele amu, king nug ag aɗi hekkulagnunab aum amu ag doyeg!

Daniel 3:27

Ag dimittim uɗieg, kingnu ehanittak danab digdig, laa ag gumak danab anuqak, laa ag aabnu gumak danab, la ag gawana, laa ag king dabmak mettak danab ele, ag wana, nid ewam amu happutadna daan, ag neekkeg ukke, beɗulagppa guittak laa ii daye anidna, ikkilag uɗug nakok laa ii ewom, lamen elab ele nakok laa ii ewom anidna, beɗulagppa aab kahug uɗig nakok laa ele ii dooppig.