Daniel 3:25 - Nobonob Baibel

²⁵ Ag anam aeg, Nebukatnesar nug aum. “Amge antteg! Da danab waɗele qakkalattak iitta, aab aɗuppa oitteb, ag guittak laa ii aotteb anadttem. Ewam ag am danab anadttem, amge waɗele nug am kayak bekkalag laa bia anidttem,” awa aum.

Daniel 3:25 Referans Kwoze

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Aposel 28:5

Ag anam aon appig amge Pol nug mat amu maute, aab aɗuppa no, Pol nug uug laa ii doya dayeye,

Mak 16:18

Ag mat nau aɗaglag, o le nau danab qe mauhtte ele, ag amu lakkulag, amge ag amuppa ii mauhmana. Ag oɗe danab beɗulag aɗappeg, ag oɗe uuadkku,” awa aum.

Job 1:6

Amu deɗ laa engel ag Yawe ag aɗi aɗi hetteb ippunidkkulagnu Nug gumidna gona daaegeg, Satan nug ele appa ukke, oh daappig.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Sam 34:7

Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

1 Pita 3:13

Aria, na kobol enaib heppe amu, danab laa nug na eheɗ laa ii heidma bia,

Daniel 3:18

⌊Ihinig Kayak Nug amu hekkunu elele⌋ amge, O king, Nug amu ii hekku dayeb, amuam ihinig dabmak heeb, ii eɗuma. Ig na imu dookkutnu oonig daatte. Ig nahipad kayak noolagppa dup nota binalag ii memata; dottog golppa hak, na qappame amu, ig amu ele noobppa dup nota binag ii memata,” aon appig.

Job 38:7

Haen laa amu heum amu, haen amuppa hoɗoppai buttuanab amahaltteb ele, ag ahi ettaeg, engel ele ag gamag ahak naɗinab doon eppig.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Prowerb 30:4

Aun nug hab aabppa tewowa, eɗua neum ele? Aun nug ulah awa, eppegppa aɗom? Aun nug yu, lamen nuhigppa hautom? Aun nug wan imu oh heum? Laa amu heum am onig aun? Nug bekka ele am onig aun? Na doottem amunu, ⌊da ele dookkulnu,⌋ na appe doyei!

Jeremaia 1:8

Da na ele daaɗa ehanidppi, na padal ii memana amunu, na danab ah dilagnu aib baɗame,” awa aum.

Jeremaia 1:19

Ag na ele ban hekkulag, amge ag na ii eɗidmana. Aɗinu? Da na ele daattep. Da ehanidppi, na padal ii menana.” Yawe Nug anam awa aum.

Jeremaia 15:21

Da na nau hak danab ah eppelagppanu eɗue awidkkul. Yo, da na danab ah ag laa guittak mettaglagnu uug ii dootteb, da na ag eppelagppa dayaknu qagaiettakppanu eɗua uhuqak amu hein medakkul,” awa aum.

Daniel 3:24

Daup ag nid ewam aab huanaknab gakkaɗomppa buɗiatteg teeg, King Nebukatnesar nug anam andatta, nug eheɗ ottaia, pahanab balalppanu aha, hibaitta dayaya, nug nuhikkud ulum mettak danab oɗ mattom. “Daup ag danab ewam aakkuib qakkaladna buɗiatteg, aab aɗuppa iite teppig,” awa oɗ mattom. Nug anam oɗ matte, ag appig. “O king, ewam aakkuib, laa iitta,” aon appig.

Daniel 6:23

Daniel anam a, king doya, nug gamag ahak huananab doya, ag Daniel humappeg bekkunu haknunab aum. Nug a, ag Daniel humaeg be, nug nuhig Kayaknu ooppa genab doyom amunu, ag nug beɗuppa eheɗ o guittak laa ii anidppig.

Job 5:19

Kayak Nug baubau ehanitteb, na qagaiettakppa ii daamna. Ge, haen kuɗum uug nahip-ppa bekkunu daakku, amge nahip-ppa ii bema.