Daniel 3:24 - Nobonob Baibel

²⁴ Daup ag nid ewam aab huanaknab gakkaɗomppa buɗiatteg teeg, King Nebukatnesar nug anam andatta, nug eheɗ ottaia, pahanab balalppanu aha, hibaitta dayaya, nug nuhikkud ulum mettak danab oɗ mattom. “Daup ag danab ewam aakkuib qakkaladna buɗiatteg, aab aɗuppa iite teppig,” awa oɗ mattom. Nug anam oɗ matte, ag appig. “O king, ewam aakkuib, laa iitta,” aon appig.

Daniel 3:24 Referans Kwoze

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Daniel 6:7

Ig nahipad ehanittak anuqak danab, aabnu gumak danab, gumak anuqaknab danab, dabmak mettak danab, amu gawana ele, ig oh dabmak laippu aot, dabmetata daattem. Amu ihinig dabmak am inam. O king, na ɗo laa danab ah oh dim lamidkkulagnu bappaidna meppe, danab ah oh ag nai amu dooppeg, nai amu ɠagattag daakkunu oonig daatte. Laa nug nai amu tippalmanu ɗo ele mekkut. Ɗo na bappaidna meppe, ɠagattag daakkunu oonig daatte am inam. Danab o ah aun laa nug kayak laa, o danab laa aɗi keekenu ii unuqidma; dayeb ukkeb, deɗ 30 uueb, danab ah ag eɗun, ahilkad kayak, ag lailkad ele keekenu gemu unuqadtteb bia tuɗidna hekkulag. Ag ahilkad kayak, ag lailkad deɗ 30 amu ii unuqidmana, amge laippuib ag unuqidkkulagnu elele; amuam na aakkuib. Aria, na ɗo amu mekkut dayeb amu, laa nug tippala, kayak laa, o danab laa unuqidkku dayeb, daup ag nug moɗ naɗi, laion daattebppa buɗippeg nokku.

Aposel 26:27

Pol nug nai amu Pestus amegppa awowa, nug eɗua Agripa amegppa aum. “King Agripa, na propet nai ootppa genab doottemte?” awa aum. Pol nug anam ana, nug nai tuɗitta, nug nukka oɗmak nuhig nob ma aum. “Yo, da doottem. Na ootppa genab doottem,” awa aum.

Aposel 26:13

O king, da aam ameg tutukku bia, haen amuppa oiiyi, amahlak laa hab aabppanu na, da amu laala da ele gomut amu ig talilikka amahalikke anidmi. Amahlak amuam aamnu amahlak eɗittak.

Aposel 12:13

Daaegeg, Pita nug dimittimnu od qeqale, maɗi ah onig Roda, nug od matulkkunu doa,

Aposel 9:6

Amge na ahan, aab okkai ooppa nona daabppe, geha na keeke aɗi hekkutnu amu, danab laa nug na amenppa akku,” awa aum.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Daniel 5:6

King nug amu antta, nug eheɗ baɗe, iɗu hakkab eppe, baeg eheɗ hahaɗe, gateg laih ona laih qeeqe, gateg laih uɗia, laih qeeqe, baeg laih laih oh gai-iitta meum.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.

Daniel 3:17

Na heppe, laa ag buɗigppeg, aab ewak naɗippa tekkunig dayeb amu, Kayak, ig Nug waappa daatta nuhig maɗi nid daattem, Nug ehanikkeb, ena daagnignu elele. Nug elele amunu, ⌊Nug amu hekkunu ena anidkku dayeb,⌋ O king, Nug ehanikkeb, ig na eppenppa ii daamta.

1 Samuel 17:55

Aria, haen tatam Saul nug Dawit Goliat ele ban hekkulahnu ukkom antta, nug ban daup ikki anuqak Apner oɗ metta aum. “Apner, danab diig attemnab nug am nid bau inam mameg beum daatte?” awa oɗ mettom. Nug anam awa oɗ mette amu, Apner nug nob ma aum. “O king, na genab bau daattem, genab amubia da amu genab ii doottem,” awa aum.

2 Stori 22:4

Ahasia mameg Jehoram mauhe, Ahap baegppanu danab laala ag Ahasianu ulum mettak danab bena daappig amunu, Ahasia nug Yawenu neekkakppa eheɗ heum. Kobol Ahap baekkudppa ag heppig, amubia nug ele heum. Nug anam ha, nug aakku diig amunu na qeum.

Daniel 3:23

Daup ag nid ewam buɗiatteg, aab eheɗ gakkaɗomppa teegeg, daup mauhegeg, nid ewam ag hippalattak ɠagattag ele aab ewa huanaknab gakkaɗomppa tena noppig.

Daniel 3:25

Ag anam aeg, Nebukatnesar nug aum. “Amge antteg! Da danab waɗele qakkalattak iitta, aab aɗuppa oitteb, ag guittak laa ii aotteb anadttem. Ewam ag am danab anadttem, amge waɗele nug am kayak bekkalag laa bia anidttem,” awa aum.