Daniel 3:18 - Nobonob Baibel

¹⁸ ⌊Ihinig Kayak Nug amu hekkunu elele⌋ amge, O king, Nug amu ii hekku dayeb, amuam ihinig dabmak heeb, ii eɗuma. Ig na imu dookkutnu oonig daatte. Ig nahipad kayak noolagppa dup nota binalag ii memata; dottog golppa hak, na qappame amu, ig amu ele noobppa dup nota binag ii memata,” aon appig.

Daniel 3:18 Referans Kwoze

Matyu 10:39

Danab nug wanppanu bau dayak maditte ele amu, nug iitta mekku, amge laa nug dahilnu dabma, nug beɗunu bau mak kakidtte amu, nug genab bauklel anidkku.

Revelesen 12:11

Ig lainkad ag Sipsip Nag tiigppa, amu doyak diig genabib mehuqttebppa ele ɠagattag aon, ban eɗidna, kekeɗ amu eɗidppig. Ag wanppa enaib, bau daaglagnu amu ii dabmeppig. Iitta. Ag beɗulag maoeg ukke, bau daaglagnu anuqak ii doon, Jesus onignu mauhmananu dabmak ii aon oippig.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Aposel 4:19

Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.

Lewitikas 19:4

Ag aib kayak hambuppuaknu oolagppa genab dooppig. Ele amu, ag aib kayak hambuppuak dottolag aenppa, keeke hattana, noolagppa dup nona binalag meppig. Da am Yawe, ahilag Kayak.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Matyu 16:2

amge Jesus Nug nob ma aum. “Haen tueb meum amu, ag atteb, ‘Aam aam eeɗe, hab kokoɗ eppom amunu, atu ena daakku,’ aon atteb.

Hibru 11:25

Iitta. Nug amu uua, amu Kayaknu danab ah ele ag oh uug laippu maoglagnu oo dayom. Nug hipunin kobol dim lamitta oiyaya, oo gamag ahak haen tutunuib aokkunu amu, nug oo ii niiom.

1 King 19:14

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele aqaeg mauhppig; da dakka iikku daattem, amu gemu ag da ele iuppeg mauhkkulnu hetteb,” awa aum.

1 King 19:18

Ag mauhkkulag, amge da heppi, Israel ooppa danab 7,000, da ag aɗualatti, ag dahilad daatteb. Danab amu ag kayak hambuppuak Bal noobppa dup ii nona binag ii meppig; ag nug onig okkai mettaglagnu nug dottog ele ii ootuqidppig,” awa aum.