Daniel 3:15 - Nobonob Baibel

¹⁵ Am genab iitta daatte dayeb amu, haen elab iitta ag laa trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele baula heppeg doon, ag dottog da hemi ele noobppa dup nona binag mekkulagnu dabmak elele aon, hekkulagnu babaittak daatteb dayeb am ena. Ag am hekkulag. Amge ag dottog amu noobppa dup nona binag mekkulagnu ii dabmetteb dayeb amu, laa pahanab ag aɗualadna, aab naɗi huan eotteppa buɗiadppeg tekkulag. Anam heppeg, kayak aun nug ag ehanatta, da eppelppanu eɗua diikku?” awa aum.

Daniel 3:15 Referans Kwoze

Aposel 5:29

Nug anam a amu Pita nug totol danab 12 ele ag oh eɗun appig. “Kayaknu nai, amu danab dilag nai ele aa laippu iitta daattep dayeb amu, ig Kayak nai dim lamidkkunigoitte.

Daniel 3:17

Na heppe, laa ag buɗigppeg, aab ewak naɗippa tekkunig dayeb amu, Kayak, ig Nug waappa daatta nuhig maɗi nid daattem, Nug ehanikkeb, ena daagnignu elele. Nug elele amunu, ⌊Nug amu hekkunu ena anidkku dayeb,⌋ O king, Nug ehanikkeb, ig na eppenppa ii daamta.

2 King 18:35

Kayak amu oh am ahilkad danab ah ehanadppeppeg, ena daaglagnu elele iitta daappig. Kayak amu ag ahilkad danab ah ehanadppeg, da ag ii eɗadpanu elele ii daappig. Anam amunu, Yawe Nug ag Jerusalem daatteb, Nug ag ehanatteb, ag da eppelppa iite daamna? Iitta,’ awa atte.” Asiria dilag ban daup ikki banppa o ban guguittakppa daatte nug anam nuhig okkai oɗe awa, aakku awa aum.

Eksodas 5:2

Aa anam apiɗ, amge Paro nug aum. “Yawe am aun? Genab, Nug am aun amunu, da nuhig nai doyen, Israel danab ah uuadppi gokkulag? Yawe amu, da Nug ii doottem amunu, da Israel uuadppi iinab gomana,” awa aum.

Aposel 4:19

Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.

Mak 13:11

Amu ag dahilnu Nai Ena mehuqkkulag amunu, ag aɗualadna hettoɗiakppa maadppeg, hettoɗiakppa mattiak haen ahilag ii nak, ag haen amuppa aɗi akkulagnu dabmak huan aib aoppig. Iitta. Haen amuppaib Kayak Nug nai akkulagnu ippuanatteb, ag nai amuib mehuqeg! Amuppa ag nai ii mehuqmana. Iitta. Kayak Ouɗi Nug nai mehuqkku.

Daniel 6:16

Ag anam aeg, ɗo anam dayom amunu, king nug haknunab nai anana, ag Daniel aon uɗieg, king Daniel amegppa aum. “Nahip Kayak, na Nug hanhan Nug waappa daan, nuhig maɗi nid daattem amu, Nug heeb, na ena daakkutnu ool daatte,” awa aum. Nug anam awa a, ag nug moɗ naɗi laion daattebppa buɗieg noum.

Aposel 6:15

Ag anam hambuppueg, danab hettoɗiak okkai onig Sanhidren, appa daappig, ag oh Stiven amelkad behabe neekkidna, ag nug iɗu engel bia anidppig.

Luk 13:9

Anam heppi, maɗ laappa geha nug meu okkutai. Okku am ena, amge nug meu ii okku, aria na oppe qiikku,’ awa aum.” Jesus Nug anam aum.

Luk 12:11

Amu laa ag ag diiadna, Juda dilag nai doyak lakka, o gabman noolagppa, o laa ag gumaknu ehah ele noolagppa keeke goppeg, ag haen amuppa ag ena daaglagnu aɗi akkulagnu, ag nai aɗinab mattiglagnu ele dabmak huan aib aoppig.

Daniel 6:20

King nug ukka, moɗ naɗi laion daatteb guguittak ukka, nug baag oo doyak eleppa Daniel onigppa ewa aum. “O Daniel, na Kayak bau daatte elenu maɗi nid, nahip Kayak, na hanhan Nug waappa daan, nuhig maɗi nid daattem, Nug ehanitte, na qagaiettakppa ii daanna, laion eheɗ laa ii heidmananu elele daamete, o iittate?” ewa oɗ mettom.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Eksodas 32:32

amge gemu da na, na ahilag hipunin amu uhuqna madakkutnu oɗ medattem. Da na anam oɗ medattem, amge na ahilag hipunin amu ii uhuqkkut dayeb amu, na danab ah nahipad onilag yaame, buk amuppa da onil daatte amu, na da onil amu obikkutnu oɗ medattem,” awa aum.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Matyu 10:19

Geha wan imuppan danab ag ag aɗualadna hettoɗiakppa maadppeg amu, ag haen amuppa aɗi akkulagnu, ib attenppa mattiglagnu ele dabmak huan aib aoppig. Iitta. Haen amuppaib Kayak Nug ag nai akkulagnu ippunadkku.

Daniel 2:9

Ag da tul niien, aɗi anidmi ii ippuniɗkkulag dayeb amu, ib laippu ahilagnu daatte. ⌊Ag da amibia mauhkkulag.⌋ Ag anen anen oh, ag hambuppuak nai da amelppa madippeg, da ena dookkulnu, ag ahilag dabmak bappaidna malappig. Amge iitta, ag da tul niien, aɗi anidmi appeg doyen, amuppa da ag tul niiak amunu meu ele genab mehuqppeg dookkulnu elele daatteb dookkul,” awa aum.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.