Daniel 2:41 - Nobonob Baibel

⁴¹ Amu, O king, na anidme bia, dottog amu baeg wan tabatte, baeg doɗo ele am wan aab aɗuppa ewom, aen ele qataqak dayom, amubia ɗo maɗoɗ amuam laippu ii daamna. Amge na anidme bia, baeg wan tabatte am wan aab aɗuppa ewom, aen ele qataqak daatte amu, aen am amuppa daatte. Aen aakku daatte, aen am ɠagattagnab amunu, ɗo maɗoɗ amu wan atu gumadkku, am ele ɠagattag ele, amge ɗo maɗoɗ amunu ɠagattag am nakok okkai ele aakkuib. Aɗinu? Ag ahilag ɠagattag am wan aab aɗuppa ewom, aen ele qataqak bia. Am aen nuhig ɠagattag aakkuib iitta.

Daniel 2:41 Referans Kwoze

Revelesen 17:12

Amu na qeqeɗi eblaih laih ele anidme amu, amuam king eblaih laih ele ag gemu wanelkad ii aona, king ii beppig, amge ag gumaknu ehah aona, aua laippu doɗ dakkuɗ ele king daaglag.

Revelesen 13:1

Anam daye amu, da doɗ dakkuɗ laa qeqeɗi eblaih laih ele, ikki eblaih aɗit ele, nug qeqeɗiudppa haɗ eblaih laih ele daappig amu, da nug yuppanu beebe anidmi. Nug ikkiudppa amu, onilag laala yaak ele. Onilag amuam Kayaknu dabittak nai.

Revelesen 12:3

Anam amu, epponak keeke laa habppa tula be, danab ah anidna dabmak okkai aoppig; amuam mat naɗinab kokoɗ ele, nug ikki eblaih aɗit ele, qeqeɗi amu eblaih laih ele. Nug ikkiudppa king haɗ eblaih aɗit ele daappig.

Daniel 7:24

Qeqeɗi eblaih laih ele ag am ɗo maɗoɗ laa amu wan atu gumakku amu, ag am ɗo maɗoɗ amunu danab ah dilag king. Am king amu oh ahan malappeppeg, king laippu laa nug ele ahakku. Nug laa daappig bia ii daama. Iitta! Nug am laa daakku. Nug heeb, king ewam ag nug waappa daaglag.

Daniel 7:7

Da tuqan tuleglegppa amu anttoya, tulegleg amuppa da neekki ukke, da noolppa doɗ ebqak waɗele anidmi. Doɗ amu nug iɗu am naunab. Laa anidkku amu, nug baɗak eheɗ nau awa, naunab aokku. Doɗ amu nug am ɠagattag okkainab ele. Nug aeg am okkai, aenppa hak. Nug doɗ laa awa, oɗoɗe, ebehi oh qiialatte, toppua ukke, teppu laala ii laum ele amu, nug baegppa eheɗ tappa oɗoɗom. Doɗ imuam doɗ laa oh bia iitta. Nug am laanab, nug qeqeɗi eblaih laih ele.

Daniel 2:40

Aria, amu dimugppa ɗo maɗoɗ laa aha, wan atu gumadkku. Ɗo maɗoɗ amuam dottog laih aenppa hak, am amubia daakku. Aen am ɠagattagnab, keeke laa oh he nauhtte; am ɗo maɗoɗ amunu danab ag amubia daan hekkulag. Aen keeke laa oh he nauhtte, amubia ɗo maɗoɗ amun danab ag wanppan wan laa oh heppeg nauhkkulag.

Daniel 2:42

Baeg doɗo dottog ⌊ele⌋ am wan aab aɗuppa ewom, aen ele qataqak daappig, amubia, ɗo maɗoɗ wan atu gumadkku amu, am aen bia ɠagattag daakku, amge wan aab aɗuppa ewak ele paha aoɗtte, am amubia ele daakku.