Daniel 2:21 - Nobonob Baibel

²¹ Kayak Nug wanppa aɗi keeke bekkulag, aria haen adekkuppa bekkulag ele gumatte. Nug he, danab laa king abenabppa tette. Nug he, danab amu king abenabppa ii daatte. Nug he, danab doyak dabmak ena ele nug doyak dabmak ena amu tuɗid ele aotte. Nug he, danab diignu doyak tutukku ele, nug diignu doyak tutukku tuɗid ele daatte.

Daniel 2:21 Referans Kwoze

Daniel 4:17

Danab ah ag Kayak Attannab Laa Oh Eɗattak Nug wanppanu ɗo maɗoɗ oh gumadtte dooglagnu, ag auntai laa nug ɗo maɗoɗ laa dilag okkai daakkunu amu, Kayak Nugib he, danab laa, danab onig eletai, o danab onig iittanab eletai, nug huu dilag okkai daatte dooglagnu amu, amu miag atitte. Nai awa ukkak danab ag nai imu mattieg, laa dootteb. Ao, laa ag Kayaknu oppiaawak ele daatteb, ag keeke imu bekkunu nai imu atteb,’ awa eum.

Daniel 7:25

King amu nug Kayak Attannab Laa Oh Eɗattaknu nai nau anana, nug Kayaknu danab ah oppiaawak ele uug nau madatta, nug heeb, ɗo laala Kayak meum, keeke laala ele Kayak meum daatte baolikkunu hekku. Nug anam heebeb, Kayak Nug ib oo ii nekku amunu, king amu nug Kayaknu danab ah oppiaawak ele maɗ ewam maha ele eɗadkku.

Daniel 4:32

Laa ag lamidppeg, na danab ah ii daattebppa, appa doɗ dakkuɗ ele daaglag. Daan, na makau gikkiɗah latteb bia gikkiɗah lakkut. Maɗ eblaih aɗit ele na anam daappe ukkeb, na Kayak Attannab Laa Oh Eɗattak Nug wanppanu ɗo maɗoɗ oh gumadtte, Nug aun ahilag okkai daakkunu oo he, king abenabppa mette doon, dabmak amu tutukku doon elele aɗan oikkut, dimppa am na eɗun ena daakkut,” awa aum.

Job 12:18

Kayak Nug he, qakkaknu keeke king nug laa beɗuppa meum ii daatte; king nug laa waappa, daɗek daatte.

1 King 4:29

Kayak Nug doyak dabmak ena ele huanak Solomon metta, Nug dabmak meu unuqagnu okkainab, amu diignu doyak tutukku ele mettom. Nuhig doyak amu oh am yu ihippa abuɗ niitte, amubia amunu, danab laa ebqekkunu elele iitta.

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

1 King 3:28

Amu dimppa haen Israel danab ah oh ag King Solomon nug hettoɗiakppa ah aɗit hettoɗiatom amu doona, ag kingnu ebehilag oh bodoetta le mettom. Aɗinu? Ag dooppig, Kayak Nug doyak dabmak ena ele Solomon mette, nug nai doya mala hettoɗia epeɗia elele mettak kobol elele hekkunu elele dayom.

Eksodas 31:3

Da nug tituanen, da nug uɗat kobol ele, nug uɗat amu, laa oh ele hekkunu amu, da dahil Ouɗi, ehah, dabmak ena, doyak ena ele mettami.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Daniel 2:9

Ag da tul niien, aɗi anidmi ii ippuniɗkkulag dayeb amu, ib laippu ahilagnu daatte. ⌊Ag da amibia mauhkkulag.⌋ Ag anen anen oh, ag hambuppuak nai da amelppa madippeg, da ena dookkulnu, ag ahilag dabmak bappaidna malappig. Amge iitta, ag da tul niien, aɗi anidmi appeg doyen, amuppa da ag tul niiak amunu meu ele genab mehuqppeg dookkulnu elele daatteb dookkul,” awa aum.

1 Stori 22:12

Amu na Yawe, nahip Kayak, na nuhig ɗo dim lamidkkutnu, haen Nug na Israel danab ah gumadkkutnu meitteb king daappe amu, Yawe Nug heeb, na laan neekkakppa nug dabmak eheɗ ii aomanu kobol, diignu doyak tutukku ele aɗan oikkutnu ool daatte.

1 King 10:24

Anam amunu, danab aben ohppanu ag Solomon gumidna uɗin, doyak dabmak ena ele Kayak, Solomon mettom, ag amu dooglagnu oolag daye, qagmekkulagnu haen mettaglagnu nug oɗ medappig.

Revelesen 19:16

Lamen elab nuhigppa amu nug tuɗippa ele onig imu yaak ele dayom. “Nug am king dilag King, amu naɗi dilag Naɗi.”

Daniel 11:6

Anam dayeb, maɗ laala ukkebeb, wan yau uɗitteppanu daatte, amu wan yawalti uɗitteppanu daatte, wan aɗit amunu king aɗit aa layam bataya, nai qakkaglah. Amu wan yawalti uɗitteppanu king nug wan yau uɗitteppanu king aɗeg aweb, nug wau daakku. Anam, amge ⌊layam batak nai amu hepeɗ nauheb,⌋ wan yawalti uɗitteppanu king wau nug ele ɠagattag ii daama. Anam amu laa heeb, wan yawalti uɗitteppanu king nug, nug wau, wan yau uɗitteppanu king aɗeg amu, aria aa bekkalah, amu laa ah amu omala uɗiom ele, ag oh mauhkkulag.

1 Stori 29:30

Nai amuppa amu, ag Dawit nug king dayomnu, ag nuhig ɠagattagnu, aɗi aɗi kobol nuhigppa beumnu, aɗi aɗi kobol Israel dilagppa, wan laappa ele beumnu amu, ag amu ohnu yaappig.

Eksodas 31:6

Da Besalel nug amu haknu tituanen, da Israel dilag huu okkai Dannu danab laa, am Ahisamak bekka Oholiap, da nug Besalel ehanidkkunu tituanmi. Da aɗit amu anam tituanaten, da danab uɗat laala haknu doyak okkai ele oh ele, ag uɗat imu, da ag hekkulagnunab ami amu, da ag ele, ag uɗat imu hekkulagnu elele daaglagnu, da ag oh ele doyak mattami.

Esta 1:13

Am king nug haen ohppa aɗi keeke bau bia be, nug danab laala ag Persia dilag ɗo, amu kobol elenu doyak okkai ele, ag nug dabmak medatteb ele amu, nug hanhan keeke bau bia be amunu oɗ madattom amunu, haen imuppa ele nug pahanab nuhikkud danab amu a uɗieg, ag ele Wasti heum, ag amunu mattiak heppig.

Rom 13:1

Gabman uɗat am nukka ii beum. Iitta. Gabman uɗat oh Kayak nukka meum amunu, danab oh ag danab gumaknu ehah ele waalagppa dayeg! Gumaknu ehah anen anen oh daatteb amu, Kayak maattom daatteb

Daniel 1:17

Ag ee amuib laeg, Kayak Nug nid bau waɗele amu doyak ena ele matta, Nug ag kaya digdignu diignu doyak tutukku, am dabmak unuqagnu diignu doyak tutukku ele ag mattom. Nug amu matta, Nug he, Daniel nug tul niiak digdig, tulegleg digdig ele anattaknu diig doya, mehuqkkunu ehah ele mettom.

Daniel 2:20

Nug binag maama, nug aum. “Ig hanhan Kayak binag metu! Doyak dabmak ena elenu diig, ɠagattagnu diig ele am Nugib.

Daniel 2:23

O Kayak, na da mamelad aɗi dilag Kayak, da na amenppa, ‘Ena heme,’ ainne, da na binan humattem. Na da doyak dabmak ena ele meɗan, na ɠagattag ele meɗame. Ig na keeke laanu oɗ mettaut, na da ippuniɗme. Na hee, ig kingnu tul niiak attem dayom amu, ig aakku amu doomut,” awa aum.

Daniel 10:1

Amu Persia dilag king Sairus nug king abenab awa nuhig king dayaknu maɗ ewamppa Kayak he, Daniel, onig laa Beltesasar, nug dimppa aɗi bekkunu nai laa doyom. Nai amuam ban naɗi daakkunu nai, am nai amuam genabib. Daniel nai amu tuleglegppa awe, Kayak he, nug tuleglegppa nai amunu diignu doyak tutukku aɗom.

Daniel 4:14

Laa amu nug baag okkaippa ewa aum. ‘Ag uɗin, ad imu oppeg qiiaɗ! Ebekkud oh otaɗadna, uɗukkud matagna akkan, meu ele agappeg, laih laih ukkeg! Doɗ ad amu waappanu oolna goppeg, ebekkudppanu, ai ele ag ukkeg!

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.