Daniel 12:2 - Nobonob Baibel

² Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Daniel 12:2 Referans Kwoze

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

Esekiel 37:12

Ag anam atteb amunu, na dimppa aɗi bekkunu nai imu Israel amelagppa appe doyeg! ‘Naɗi Yawe Nug atte. O dahilad danab, laa mauha, moɗppa niitte, amubia ag am wan laappa mauhakbia daatteb, amge da mauhak laa moɗppanu humai, eɗua bau aha oitte bia, da ag ehanadppi, ag eɗun, ag Israel wan, ag appalag diig, ag appa gona, bau ena daaglag.

Revelesen 20:12

Da aakku danab mauhadppig, okkai nakok ele oh, Nug noobppa hippaidna daaegeg anadmi. Nug buk laala kolattom amu buk laa, amuam buk onig Bauklel Awe Onig Yaaknu Buk, Nug buk amu ele kolom. Danab mauhadppig amu ag aɗi heppig, buk laalappa epeɗiaknu amu yaak niitte amuppa epeɗiattom. Amu oh ag aɗi heppig amuppa epeɗiattom.

Aposel 24:15

Da amu oolppa genab doottem, amu da keeke laa elenu dabmak aɗa ameg ma dayak doottem, danab imu hetteb, amubia. Amuam Kayak Nug geha heeb, genab tutukku hak danab, amu danab nau ele oh ag eɗun hippaidkkulag.

1 Tesalonaika 4:14

Ig Jesus Kristus mauhowa, eɗua hibaittomnu oonigppa genab doottem amunu, ig Kayak Nug heeb, laala ag Jesusnu oolagppa genab doona mauhppig amu, Jesus ag ele omalatteb uɗiglagnu ele oonigppa genab doottem.

Aisaia 66:24

Amu dahilad danab ah ag aab dimittim gona, ag danab ah ag da waalppa daaglagnu uun, dahil nai tappaeg neum ele, ag danab ah amu gaɗalag anadkkulag. Amu ag gaɗalag niiglagppa amu, gawat naunau ag hanhan daatteb, aab aɗu aguppa daatte ele ii qauhtte. Danab ah oh ag gaɗalag amu anidna, ag eheɗ nau, gahag bak bia ele dooglag.” Yawe anam awa atte.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Hosea 13:14

Da geha ehanittak okkaippa ag moɗnu qagaiettakppanu uhuqadkkul. Ao, da mauhaknu qagaiettakppanu eɗua uhuqak hein madakkul. Da anam heppi, danab ah ag akkulag. ‘O Mauhak, na attem heppe, danab ah ag oɗe nau danab kuɗum aqe mauhtteb ele digdig amu aon mauhkkulag? O Boumak Aben, na attem heppe, danab ah ag nauhkkulag?’ aon akkulag. Haen amuppa da ag ehanadkkulnu dabmettem amu, dabmak amuam iinab baolima.

Rom 9:21

Waa keeke hak danab nug wan lekkoh iɗu laippuppa hinai aɗit, laa bala enanagnab, uɗat ena haknu, amu laa bala iitta, uɗat mauhnoak haknu haatkkunu dabmaama, nuhig dabmak dim lamitta hekkunu elele iittate?

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

Prowerb 12:8

Danab ag laa nug doyak dabmak ena ele, ag nug binag metteb; amge danab nug dabmak kaliaknu kobol hette, laa nuhignu ena iinab dootteb.