Daniel 11:44 - Nobonob Baibel

⁴⁴ Nug anam wan amu ohppa ban haaha dayebeb, nai laa kaɗag uɗitteppanu, yawalti uɗitteppanu ele uɗieb doya, nug ottaikku. Nug nai amu doya, nug oppoɗi eheɗ beeb, ameg kokoɗ eppeb, nug aha, kuɗumnab hatteb iitta mekkulagnu gokku.

Daniel 11:44 Referans Kwoze

Revelesen 17:13

Ag ahilag dabmak am laippu amunu, ag ɠagattag ahilkad, ahilkad gumaknu ehah ele, ag amu oh doɗ dakkuɗ mettaglag.

Revelesen 16:12

Ag oolag ii eɗue, engel ebqak 6 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, Yupretis leppa no, le amu aam bedeppan king ag gona ban hekkulagnu ib bappaidkkunu qaɗaiettom.

Daniel 11:30

Haen inamppa bannu uub yu ihippan wan laala qaban uɗitteppanu daatteb, ag appanu uɗin, Isip ehanidna, wan yawalti uɗitteppanu dilag king ele ban hekkulagnu daaglag amunu, wan yawalti uɗitteppanu king nug ban amu hekkun ooppa ɠagattag ii dooma. Nug anam dookku amunu, nug wan yau uɗitteppanu daatte, nug wan amunu king, nuhikkud daup ele ban hekkulagnu oo huana daakku, amge nug ban hak uub uɗippeg antta, elele iitta doya, ban amu hak uukku, amge nug oo hette ele hekkunu elele iitta amunu, nug oppoɗi huan beeb, ameg kokoɗ eppeb, nug eɗua ukka, nug, nug tituanna nai qakkaknu nai oppiaawak ele, Kayak he, Nug Israel ele ag amu heppig amu, nug nai amu qeeb nekkunu haaha, danab ah amu dim lamidtteb ele eheɗ nau hadakku. Laa ag oolagppanu ag Kayak dim lamidkkulagnu nai qakkak oppiaawak ele uun, ii dim lamidkkulagnu akkulag amu, nug ahilagnu ena doya eheɗ ii hattama, amge laa ag amu ii heppeg amu, nug ag genab eheɗ hadakku.

Daniel 11:11

Ag gona wana teppeg, wan yau uɗitteppanu daatte, amu dilag king nug amu antta, oppoɗi beeb, ameg kokoɗ eppeb, nug aha, wan yawalti uɗitteppanu dilag king ele ban hepeɗ, nug eɗitteb, king amu, nuhikkud daup huanak ele ag nug eppegppa daaglag.

Daniel 11:43

Nug Isip eɗatta, nug Isipnu gol, silwa, en okkai laa oh ele aokku. Nug heeb, Libia danab ah, Nubia danab ah ele ag nug waappa daaglag.

Daniel 11:45

Nug ugakka, nug nuhig peh lag enanag yu, qauko Kayaknu tituanak daatte, amu ele gamalahppa qappadkku. Nug anam hekku, amge nug na qa, iitta mekku. Laa nug ii ehanidma.