Daniel 11:25 - Nobonob Baibel

²⁵ Nug daup huanak qagmaatta, nug amu hekkunu dabmak awawa, ooppa ɠagattag doya, nug wan yau uɗitteppanu king baneb uɗikku. Nug uɗieb, wan yau uɗitteppanu daatte dilag king nug daup huanak, ɠagattagnab ele qagmaatta, king laa amu ele ban hekkulahnu uɗieb, daup amu oh ag ban hekkulag. Anam daakku, amge laa kuɗum ag wan yau uɗitteppanu daatte dilag king hambuppuidna, heppeg nauhkkunu hekkulag amunu, king amu nug ɠagattag ii daama.

Daniel 11:25 Referans Kwoze

Daniel 11:2

Amu laa Daniel anttom amu, nug nai tuɗitta aum. “Da geha madikkulnu hettem am nai genab. King ewam baula Persia wanppa bekkulag. Ag bena malappeg, laa ele ag dimulagppa bekku. Nug am enub huanaknab ele. Nug enub huanak ele amunu, nug enub amuppanu ɠagattagppa heeb, nuhig ehanittak oh ag Grik wan eɗidkkulagnu dabmekkulag.

Prowerb 28:25

Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Daniel 11:10

Nug eɗua ukkeb, dimppa nug bekkod ag ahan, ag daup huanaknab qagmaadna, ag ahan, le ui wa ukka, laa heeb iitta mekkunu elele iitta bia gona, ag wan yau uɗitteppanu daatte dilag aab aɗ ɠagattagnab daatte batak gona tekkulag.

Daniel 11:5

Danab waɗele laa ag wan waɗele dilag king bena daanna, wan laih yau uɗitteppanu king nug ɠagattagnab bekku. Nug anam bekku, amge nuhig daup gumak danab okkai laa nug wagainab ma ba, king aben awa, nug wan amunu king daakku. Nug king dayaya, nug wan amu dilag okkai ɠagattagnab ele ba daakku.

Daniel 11:40

Amu gog tak haenppa amu, wan yau uɗitteppanu daatte, appan dilag king nug wan yawalti uɗitteppanu daatte, appanu dilag king ele ban hekkun ahakku. Wan yau uɗitteppanu king nug anam aheb, wan yawalti uɗitteppanu dilag king nug doya, nug oppoɗi beeb, nug heeb, nuhikkud daup ag bannu karis attan daan, ban hetteb, nuhikkud daup ag hos attan daan, ban hetteb, nuhikkud bannu uub kuɗum huanak ele ahappeg, ag king laa amu ele ban hekkulagnu huan gokkulag. Wan yawalti uɗitteppanu king nug wan kuɗumnab obatata, ag ele ban haaha, le ui wa gotte bia gokku.