Daniel 11:19 - Nobonob Baibel

¹⁹ Nuhig daup gumak okkai laa nug anam heeb, king nug eɗua, nug wanebppa aab aɗ ɠagattagnab laala eleppa ukka dayaya, king nug na qeeb, laa baula nug ii anidma.

Daniel 11:19 Referans Kwoze

Esekiel 26:21

Da heppi, ahilag mauhak am ag naunab nau dayeb, ag padal mekkulag. Laa ag ag mattialadkkulag, amge ag ag ii anadmana.” Naɗi Yawe Nug anam atte.

Sam 37:36

amge haen elab iitta nug mauhom! Da nug mattimi, amge da nug ii anidmi!

Jeremaia 46:6

Isip danab nug huana qaiedakkunu elele amu, nug qaietta ukka, ena daakkun elele iitta. Isip danab nug ɠagattag ele, nug kekeɗ qe-eɗatta ukka, ena daakkun elele iitta. Yawalti uɗitteppanu, Yupretis le guguittak appa ag taataɗ qettan, nena qetteb.

Sam 27:2

Haen eheɗ hak danab ag eheɗ heiɗkkulagnu uɗin, da iuglagnu hekkulag amu, ag nena qekkulag. Yo, haen dahil kekeɗ ag banel uɗiglag amu, ag nena qekkulag.

Job 20:8

Nug dayaya, danab tul niia, wagɗe buttua tul niiom daug atitte, amubia nau hak danab nug iitta ma qettoɗtte; ii daatte. Ge, danab tulegleg anitte, iitta mette, amubia nau hak danab nug iitta mette.

Aisaia 24:20

Wan nug geha ukka uɗikku, danab nug le ɠagattag lana, spak ma oitte, amubia uɗalkku. O ulah huan he, lag uɗaltte, wan amubia uɗalkku. Hak nau, amuam danab ah dilag hipunin amu, eheɗ hak amunu uug am naunab, wan nug geha maokkunu elele iitta amunu, wan nug geha na qewowa, eɗua ahakkun elele iitta.

Daniel 11:7

Amu dimppa amu, ah mauhkku ele, nug tiig laippu, nug wan yau uɗitteppanu daatte, wan amuam Isip wan amu, nug wan amu dilag okkai ba daakku. Nug king ba dayaya, nug aha ukka, wan yawalti uɗitteppanu daatte, nug amu dilag king ele ban hekkulahnu gokku. Nug aha ukka ban ha, nug wan amunu aab aɗ ɠagattagnab ele, king aguppa daatte amu, nug amu ooppa ukka, nug wan amu eɗidkku.

Job 34:24

Kayak Nug danab okkai dilag hak antta malom amunu, nau hak daatte dayeb, Nug tatam hettoɗiak abenppa maatta, ahilag nai hettoɗia mala ii epeɗiadtte. Iitta. Nug amu dilag, eheɗ hetteb ele, Nug ag eheɗ hatte, ag nena qena, nauhna autna aoeg, Nug he, laa ag ag abenlagppa bena daan, okkai daatteb.

Sam 37:35

Da nau hak danab, nug oo doyak ii doyaya nau hette ele amu, nug ad laa wan ittag enanagppa, anttak enanag be anidtteb bia enanag ba heehe anidmi,