Daniel 11:16 - Nobonob Baibel

¹⁶ Wan yawalti uɗitteppanu daatte, amu dilag king nug ɠagattagnab amunu nug ooppa aɗi hekkunu oo daatte amu, nug aakku hekku. Laa nug nuhig ib oo nekkunu elele iitta. Nug wan enanag, am Israel wan amu, nug amuppa hibaitta daakku. Nug wan amu heeb nauhkkunu ɠagattag elele.

Daniel 11:16 Referans Kwoze

Daniel 8:9

Aria qeqeɗi laappa amu qeqeɗi nakok laa beum. Digmakppa qeqeɗi amuam gai-iitta dayom, amge nuhig ɠagattag okkai maama, qeqeɗi amu yau uɗitteppa, kaɗag uɗitteppanu, wan enanag, Israel wan, wan amu ele ya aokkunu elab ukkom.

Daniel 11:41

Nug amu haaha, nug wan enanag, Israel wan, nug wan amuppa ele wab, wan amu ele ban hekkulah. Nug heeb, wan kuɗum nena qena, nug eppegppa daaglag, amge Edom wan, Moap wan, Amon dilag okkai ele ag nug eppegppa ii daamna.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Daniel 11:3

Amge Grik wanppa king ɠagattagnab ele aha ba, king dayaya, nug ɠagattagnab anam dayaya, nug aɗi hekkunu dabmekku amu nug hekku.

Daniel 8:7

Nug qaietta ukka, sipsip dawai qekkunu huana ha, nug he, sipsip dawai qeqeɗi aɗit oh aakku qiipiɗ. Qeqeɗi qiieh, sipsip dawai nug ɠagattag daakkunu, aɗi laa hekkunu am elele iitta. Nug gai-iitta anam dayeye, meeme dawai duttune, sipsip dawai na qe, meeme dawai nug baegppa tappa oɗoɗe nauhom. Amu laa nug sipsip dawai ehanitteb, ena daakkunu elele iitta.

Daniel 8:4

Da neekkitten daaiyi, sipsip dawai amu nug doɗ aɗi aɗi qaban uɗitteppa, yau uɗitteppa, yawalti uɗitteppanu ele daappig amu, nug appa ag ele ban hekkulagnu qaietta ukkom. Doɗ laa nug sipsip dawai amu eɗidkkunu elele iitta. Laa nug doɗ atten laa sipsip ele ban hepiɗ ehanitteb, sipsip nug aa ii eɗatmanu am laa iitta. Sipsip dawai nug aɗi hekkunu dabmeum amu, hakib heum. Nug anam he ukke, nug onig, ɠagattag okkainab ele dayom.

Daniel 11:45

Nug ugakka, nug nuhig peh lag enanag yu, qauko Kayaknu tituanak daatte, amu ele gamalahppa qappadkku. Nug anam hekku, amge nug na qa, iitta mekku. Laa nug ii ehanidma.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Daniel 5:19

Kayak Nug king abenab attannab nug mettom amunu, wan atu ohppan danab ah, nai ohppan danab ah ele ag na mamen baɗidna, hahaɗppig. King nug laa mauhkkulagnu oo heum amu, nug he mauhppig. Laa nug ag bau daaglagnu oo heum amu, nug he, ag bau daappig. Laa nug ag okkai daaglagnu oo heum amu, nug he, ag okkai daappig. Laa ag onilag iitta daaglagnu oo heum amu, nug he, ag onilag iitta daappig.