Daniel 10:6 - Nobonob Baibel

⁶ Nug beɗu am men krisolait bia. Nug iɗu am amemɗiag awak bia, ameg am hul ewak okkai bia. Nug eppeg baeg ele am bras amemɗiag aotte bia, amu nug baag am danab ah ameg naɗi nai maditteb, oqotti amubia dayom.

Daniel 10:6 Referans Kwoze

Revelesen 19:12

Nug ameg amu aab dittiak bia, nug igippa king haɗ kuɗum daappig. Nuhigppa onig laa yaak daatte, amge auntai laa nug onig amunu meu ii dootte.

Matyu 17:2

Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom.

Esekiel 10:9

Amu engel okkai-kerubim heqolkadppa wil waɗele daappig. Engel okkai-kerubim laippu heqoppa wil laippu dayom; engel okkai-kerubim laa heqoppa wil laa dayom; anam daappig. Wil amu ag men krisolait amemɗiag aotte, amubia ag amemɗiag aotteb.

Esekiel 1:24

Amu haen engel okkai-kerubim waɗele amu ag ahan, laih goppig amu, ag haulag heeg, da oqotti naɗi doomi. Oqotti amuam le ui naɗi, oqotti amubia, o Laa Nukka Ɠagattag Oh Ele ette, amubia, o ban daup huanak ag ban henana, muttub huana qetteb, amubia. Ag ukkaegeg, oqotti anam doomi, amge ag toettak daappig, haen amuppa ag haulag qena, honap meppig.

Esekiel 1:16

Danab nug wil amu andatta amu, nug inam anidkku. Ag men krisolait amemɗiag aotte, amubia ag amemɗiag aotteb. Wil waɗele oh am iɗu laippunab; piɗe piɗe iitta. Amu babaittak ahilag am inam. Wil anen anen am wil aɗit ele; wil laa tutukku daye, laa amu ooppa emaitak dayom.

Esekiel 1:14

Amemɗi anam ya ukkom amu, engel okkai-kerubim waɗele ag ele amemɗi pahanab ya gotte, ag amubia ele laih laih paha goppig.

Revelesen 21:20

Men duqe ukkak ebqak 5ppa am men sadoniks. Men duqe ukkak ebqak 6ppa am men konilian. Men duqe ukkak ebqak 7ppa am men krisolait. Men duqe ukkak ebqak 8ppa am men beril. Men duqe ukkak ebqak 9ppa am men topas. Amu men duqe ukkak ebqak 10ppa am men krisopres. Men duqe ukkak ebqak 11ppa am men haiasin. Men duqe ukkak ebqak 12ppa am men ametis.

Revelesen 10:1

Keeke amu ba male, nakok dimppa amu da engel ebehi ele laa, nug hab aabppanu neene anidmi. Nug beɗu lombig hautak, di apinak igippa taliliak ele. Nug iɗu amu aamnu amahlak bia, nug baekuɗ amu lag keeke ewa male, biidod akka eona daaegeg anadttem, amubia.

Luk 9:29

Tena unuqittatta dayeye amu, Nug iɗu eɗuom. Nuhig lamen amu eɗua, hakkabnab dittiag apinak bia dayom.

Esekiel 1:7

Engel okkai-kerubim amu baelag tuɗippan ukka, baelag baag batak am tutukku; kaliak iitta. Baelag baag waappa am makau nag baeg bia; baelag amunu anttak am bras amahaltte bia.

Matyu 28:3

Nug iɗu am amemɗi bia amahlom. Nuhig lamen amu hakkabnab sno bia.

Revelesen 2:18

Nug anam ana, Nug nai tuɗitta aum. “Na nai da attem imu Taiataira Kristen tamaniaknu ikki danab, nuhignu inam ye! Nai imuam Kayak Bekkanu uɗitte, Nug ameg aab diditte bia, Nug baeg amu bras bia amahaltte.

Solomonnu Ahi 5:14

Nug eppeg am ad eppeg, golppa hak, men krisolait amuppa qataqak daatteb, aa amubia daattep; nug meu am aivori amemɗiag aotte ele, amu men sapaia, amuppa qataqak ele, am anambia daatte.

Esekiel 40:3

Amu tuleglegppa Kayak omaiɗe, appa ukken, danab laa anidmi; nug beɗu anttaknu am bras bia. Danab amu nug aben amunu aɗ odppa dayaya, nug eppegppa melemel laa linen muɗippa hak, amu melemel laa adppa hak ele aɗalatom.

Esekiel 8:2

Nug aɗaele, da neekki ukke, da laa, nug beɗu am danab bia amu, da laa amu anidmi. Laa amu nug imuagppanu ukka baeg batak am aab aɗu ewawa dayom bia anidmi. Amu nug imuagppanu ukka, ikki batak am aen gakkaɗaknab, nukka amahaltte, am amubia dayom anidmi.