Daniel 10:19 - Nobonob Baibel

¹⁹ Nug ɠagattag meɗe, ⌊danab da anidmi amu,⌋ nug aum. “O danab, na aib baɗame. Kayak Nug nahipnu ooppa enanag dootte. Na maɗoɗ, ɠagattag ele daye! Ge, na ɠagattag daye!” Nug nai anam da amelppa aawo, da ɠagattag awe, da ami. “O naɗi, na ɠagattag da meɗame amunu, na appe doyei!” awe ami.

Daniel 10:19 Referans Kwoze

Aisaia 35:4

ag danab ah ag baɗan oitteb ele amelagppa inam appeg doyeg! “Ag ɠagattag dayeg! Ag aib baɗappig! Ahilag Kayak Nug ag ehanadkkunu uɗia, kekeɗ ahilkad amu, Nug ag eheɗ heppignu nob tutukku madakku. Nug uɗia, ahilkad kekeɗ nob madatta, bu nau madakku. Nug ag ehanatteb, padal ii memananu uɗikku.” Ag anam aon aig!

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Ikki Danab 6:23

Nug anam a, Yawe oɗeppa awa aum. “Na maɗoɗ daye! Na aib baɗame. Na ii mauhmana,” awa aum.

Daniel 9:23

Kayak Nug nahipnu ooppa enanag dootte amunu, na digmena unuqidme, haen amuppanab da uɗien, unuqittak nahip nai nob medakkulnu doomi. Amunu na tulegleg anidme, nuhig meu dabmenan, nuhig diignu ele tutukku doye!

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

2 Korint 12:9

amge Nug da amelppa inam aum. “Dahil ehanittak okkai hamu medattem ele, amuppaib na elele daattem. Aɗinu? Dahil ɠagattag am danab ag gai-iitta daatteb ele, ag ɠagattag aon daaglagnu daatteb amu, dahil ɠagattag ahilagppa aakku uɗat enanagnab hette.” Naɗi Nug anam aum amunu, da ɠagattag iittanu ool uug ii daatte. Iitta! Da amunu Kristusnu ɠagattag aakkuib dahilppa daakkunu maɗoɗppan gamag ahakib doyeye, aɗi keeke da hekkulnu da gai-iitta daattem amu, da amunu onil humakkul.

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

2 Timoti 2:1

O da bekkal, na Kristus Jesusnu ehanittak okkai hamu mettak, na amuppa ɠagattag daye!

Jon 19:26

Ag anam daaegeg, haen Jesus Nug anig amu ippunittak awak danab laa, Jesus Nug nuhignu oo huanak mauhttom ele, nug ele anata amu, Nug anig amegppa aum. “Anai, nid imuam na bekkat,” awa aum.

Jon 21:20

Pita Jesus ele goyaya amu, Pita nug eɗua neekka, ippunittak awak danab laa, Jesus nuhignu oo huanak mauhttom ele, nug anukka Pasowa ee lanak haenppa Jesus oguitta wana, “Naɗi, aun nug na kekeɗ eppelagppa meidkku?” oɗ mettom ele, nug dim lamatete anttom.

Jon 11:36

Juda ag amu anidna appig. “Antteg! Nug danab amunu oo huanak mauhom,” aon appig.

Jon 11:5

Jesus Nug Maria, Marta amu Lasarus ele dilagnu oo mauhttom,

Jon 11:3

Lasarus nug oɗe meum amunu, Maria, Marta ele aa nai meeh, Jesus toppa ukke apiɗ. “Naɗi, na nuhignu oot mauhtte ele, danab amu aakku oɗe meum,” aoya apiɗ.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

Hagai 2:4

Amge, O Serubabel, na ɠagattag daye! O Jehosadak bekka Josua, na mana mettak ikki danab daattem, na ɠagattag daye! Ag Israel wanppan danab ah, ag oh ɠagattag daan, uɗat heig! Aɗinu? Da ag ele daattem!” Yawe Nukka Ɠagattag Oh Ele, Nug anam atte.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Sekaraia 8:9

Amu Yawe Nukka Ɠagattag Oh Ele Nug inam atte. “Ag oolag ɠagattag qettan, ag da, Yawe Dakka Ɠagattag Oh Ele, ag da laul heppeg malaɗ! Serubabel nug digma, da laulnu men ukku meum, haen amuppa propet danab ag, ag aɗi hekkulagnu mattieg dooppig ele amu, gemu ag baula nai amu dootteb.

Daniel 10:18

Da anam ai, laa nug beɗu danab bia dayom amu, nug baula nakokib aɗaila, ɠagattag meɗom.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Sam 138:3

Da na unuqitti, na dahil unuqittak doon, na nahip ɠagattag da meɗae, da ɠagattag ele daattem.

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Sekaraia 8:13

O Juda danab ah, Israel danab ah ele, wan laappan danab ag, ag laa nug eheɗ laa awaknu anak waappa daakkunu anana, ag, Juda danab ah, Israel danab ah ele ag eheɗ nau aoppig, amubia na ele eheɗ nau am awe! appig. Ag anam appig, amge da ag Juda danab ah, Israel danab ah ele ehanadppi, ag padal ii mena, enanag daappeg, wan laappan danab ag akka akka nug amegppa nai mattina, Juda danab ah, Israel danab ah ele ag itittak enanag aoppig bia, na ele amu awe! aon akkulag. Anam bekku amunu, ag ɠagattag dayeg! Ag aib baɗappig, Ag ahan, Kayaknu mettid lag babaitteg!” Yawe Nug anam atte.