Aposel 8:36 - Nobonob Baibel

³⁶ Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Aposel 8:36 Referans Kwoze

Aposel 10:47

“Amu laa nug danab imu ag layattak aoglagnu gun mekkunu elelete? Ag Kayak Ouɗi ig aomut amubiaib aoppig,” awa aum.

Jon 3:23

Anam amu, aria Layattak Jonnu amu, aben onig Ainon, ab Salim guguittak, appa le kuɗum ele amunu, nug appa danab ah ele layattette, laa kuɗum ele ag uɗin layattak aoppig.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

1 Jon 5:6

Jesus Kristus Nug uɗia, leppa layattak awa ukka, ad emaitakppa mauha Nug tiigppa ig uhuqikkom. Amu le, tiig amu ele, keeke aɗit amu Nug Kayak Bekka ippunigtte. Le nug nukka ii ippunigtte. Iitta. Le tiig ele oh amu ippunigtte. Kayak Ouɗi Nug am doyak diig genabib diig amunu, Nug amunu mehuqtte.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Matyu 3:6

ag hipunin ahilag miagib mattiegeg, Jon nug Jodan leppa layattom.

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

Aposel 8:37

((Aria Pilip nug aum. “Na oot ohppa genab doottem dayeb amu na aokkutnu elele,” awa aum. Awa a, danab amu nug oɗeppa awa aum. “Da Jesus Kristus Nug am Kayak Bekka da oolppa genab doottem,” awa aum.))