Aposel 7:58 - Nobonob Baibel

⁵⁸ Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.

Aposel 7:58 Referans Kwoze

Aposel 22:20

Amu anukka haen ag Stiven qeeg mauhom, nug am laa heehe anttomnu mattiak danab nahip amu, haen amuppa amu da daaiyi, ag nug qeeg mauhom amu, da amunu ool ena dayom. Amu ele da danab Stiven qeppig, amu dilag lamen amu da gumami.’ Da anam ami.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Aposel 6:13

ag qagmak amuppa heeg, aɗi heehe anttomnu mattiak danab hambuppuak laala ag ahan, Stivennu nai hambuppuak inam aon appig. “Danab imu nug hanhan Kayaknu lag imu, ɗo nai elenu nai eheɗ maditte.

Aposel 22:4

Amu Kristen danab ah ag Jesusnu oolagppa genab doona, nuhig ib imu dim lamidppig ele amu, da ag eheɗ hattami. Da laala aqai mauhppig; laala amu, ag danabte o ahte, da ag aɗalatten diie ukken, maniguittakppa maadmi.

Luk 4:29

ag ahan, Jesus aona, aab okkai dimittim goppig. Aab okkai ahilag amu qauko attan appa dayom amunu, ag Jesus aona, qauko amuppa tena, aon aab giginppa wana, buɗippeg baippa nokkunu heppig

1 King 21:13

Meeg dayeye amu, ⌊ag⌋ danab nau aɗit ⌊aeg dooya,⌋ Nabot dayom gukkuidya goya, heɗep neya daayya, aa danab ah oh daaegeg noolagppa daayya, aa Nabot nug Kayak, amu king ele aa eheɗ laa awaknu anak waappa daaglahnu aum apiɗ. Ayaya, Nabot beɗuppa yaapiɗ. Amu danab ah nai amu doon, ag ahan, Nabot aɗan, aon aab okkai dimittim gona, menppa makkuɗeg mauhom.

Duteronomi 17:7

Laa ele amu, aɗi heehe anttomnu mattiak danab aɗit o ewam, ag tatam men ena makkuɗppeg, dimppa danab ah oh ag ele makkuɗkkulag. Ag kobol nau ag oolagppa daamanu heppeg, aib dayom!

Namba 15:35

Anam heeg amu, Yawe Nug Moses amegppa aum. “Danab amu nug mauhkkuoitte. Israel danab ah oh ag nug haen tutu dayaknu aab kalak dimittim menppa qeppeg mauhkkuoitte,” awa aum

Aposel 6:11

Ag anam anidppig amunu, ag kobol hambuppuakppa hena, danab laala eeɗatteg ahan appig. “Ig Stiven nug Moses, Kayak ele dilahnu dabittak nai mattie doomut,” aon appig.

Aposel 7:57

Nug anam a, ag doona, ag huanaknab enana, daulag itun, ag oh ahan qaiqaɗ wana, Stiven aɗappig.

Aposel 22:23

Ag anam anana, ahan muttub qenana, lamen ulahnu beɗulagppanu amu uɗadna akkaeg ukke, gappud akkan, akkaeg attan teum.

Aposel 26:10

Da anam aakku Jerusalem appa hemi. Mana mettak danab okkai ag aeg amu, da Kayaknu danab ah oppiaawak ele kuɗum aɗalatten maniguittakppa maadmi. Maatti, laa mauhkkulagnu appig amu, da ele anam ami.