Aposel 6:7 - Nobonob Baibel

⁷ Aria, Kristen tamaniak ag anam hena, ⌊totol danab aɗi⌋ ag Kayak nai mehuqegeg, danab ah kuɗum ag oolagppa genab dooppig. Jerusalem appa danab kuɗum ag oolagppa genab doona, Kristen tamaniak ooppa ukkaeg, nuhig ebqak okkainab meeme, mana mettak danab kuɗum ele oolag eɗuom.

Aposel 6:7 Referans Kwoze

Aposel 19:20

Anam heppig amunu, Naɗinu nai tuala uma ugakka, danab ah oolagppa uɗat ɠagattag heum.

Aposel 12:24

Amge Kayaknu nai am tuɗitta okkai ma, tuala ukkom.

Kolosi 1:6

Nai Ena wan atu ohppa ukke, danab ag doonna heeg, naɗi ma amu kobol ena, doyak digdig ena ele danab kuɗum ag aakku aon hetteb. Anamib aakku ahilagppa digmeum, deɗ amuppa Nai Ena amu nug he, ag aon, ag Kayaknu ehanittak okkai hamu megatte ele diig genab doon, ag kobol ena, dabmak ena ele aɗan oitteb.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Rom 16:26

Nai lokkumak dayom ele, amuam genab lokkumak dayom, amge gemu propet dilag yaakppa nai amu aakku miag atiom. Amu Kayak hanhan daatte ele, Nug a, danab iɗu iɗu oh, ag oolagppa genab dooglagnu, ag Nug oɗe dim lamidkkulagnu nai amu ig mehuqttem.

Rom 1:5

Jesus, nuhigppa amu, Kayak Nug da iitta aɗi danab iɗu iɗu oh ag nuhignu oolagppa genab doon, nuhig nai dim lamidkkulagnu onilagppa ekkulnu Nug nuhig ehanittak okkai hamu megatte meɗa, da totol danab ele dayeye, totol uɗat hekkulnu meiɗom.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Hibru 11:8

Abraham nug ele Kayaknu ooppa genab doyom amunu, nug Kayak oɗe dim lamitta, Kayak Nug wan atu laa nug aug daakkunu medakkunu aum, amuppa ukkom. Amu nug appag diignab uua aha, aab attenppanab ukka daakkunu amu, nug oo ii maittette ukkom.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Aposel 21:20

Pol nug kaya amu mattie doona, ag Kayak binag mewona, ag Pol amegppa appig. “O lainig, na doottem, Juda tausen kuɗumnab ag Jesusnu oolagppa genab doon, Kristen beppig, amge Kristen amu oh ag ɗo ihinig ele dim lamidkkulagnu wagai huana metteb.

Aposel 13:8

Aa goya, Kayaknu nai mehuqeh amu onig awak danab Barjesus, Grik naippa nug onig am Elimas, nug ahilah ib oonekkunu ha, aa nai madipiɗ ele, amu tappeb nokkunu heum. Nug gawananu dabmak heeb eɗueb, ooppa genab ii doomanu heum.

Jon 12:42

Aisaia anam antta yom amubia ikki danab kuɗumnab ag oolagppa genab ii dooppig, amge laala kuɗum, ag oolagppa genab dooppig. Ag oolagppa genab dooppig, amge ag ɗo gumak danab-Parasia, amu dilag baɗappig. Ag ag lamadppeg, nai doyak lag dimittim daamnanu baɗana, oolagppa genab doyak amu miag ii atippig.

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Matyu 19:30

Amge danab kuɗum anuqak daatteb amu, ag dim daaglag. Am kuɗum laa ag dim daatteb amu, ag anuqkkulag,” awa aum.

Sam 132:16

Da mana mettak danab Jerusalem appa daatteb ele ehanadppi, ag padal ii memana. Ao, da heppi, danab ah ag dahilnu oo metta ii uuak kobol dim lamidna, Jerusalem appa daatteb amu, ag gamag ahak doon, ag ahi ettaglag.

Sam 132:9

O Yawe, na mana mettak danab ehanadppeppe, ag kobol genab tutukkuib hekkulagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb ele, ag gamag ahak doon, ahi ettaglagnu unuqidttem.” Ig anam amut.

2 Stori 30:24

Hesekaia, nug Juda dilag king amu, nug danab ah qagmeppig ele, ⌊ag doɗ aon, laih main, Kayak mettaglag, teppu laa oh ag aon lakkulagnu,⌋ nug makau dawai 1,000, sipsip, meeme ele 7,000 danab ah amu hekkulagnu ag mattom. Nug ag matte, ehanittak anuqak danab ag makau dawai 1,000, sipsip, meeme ele 10,000 ag madappig. Ag anam heeg, mana mettak danab kuɗumnab ag Yawenu tituana mettak daaglagnu hena daappig, ⌊amu diig amunu ag mana mettak uɗat hekkulagnu elele⌋.

2 Stori 29:34

Mana mettak danab laa nakok kuɗum ag Yawenu neekkakppa elele daaglagnu ag oolag, meulag ele oh bappaidna ii malappig amunu, kuɗum ag Yawenu uɗat hekkulagnu babaittak ele ii daappig. Ag anam daaeg, danab ah ag doɗ kuɗumnab manaknu ofa daaglagnu akkan uɗippig, mana mettak danab ag Yawenu neekkakppa elele daaglagnu oolag, meulag ele oh babaittak daappig amu, ag kuɗumnab iitta amunu, ag doɗ gaɗalkad oh tuqadna aoglagnu elele iitta. Ag elele iitta amunu, Lewi buɗubppan mana mettak danab iitta, ag ehanattegeg ukke ukke, uɗat amu malaeg ukke, mana mettak danab laala ag Yawenu tituana mettak daaglagnu hena malaeg, haen amuppa Lewi buɗubppan mana mettak danab iitta, ag haen amuppa uɗat amu haknu hena batappig. Aɗinu Lewi buɗubppan mana mettak danab iitta, ag amu hekkulagnu elele daappig? Ag Yawenu neekkakppa elele daaglagnu anuqak doon, ag nuhignu tituana mettak daaglagnu hena malappig. Ag amunu anuqak doon heppig. Mana mettak danab laala ag anambia ii dooppig.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Aposel 6:1

Ag Jesus Kristusnu Nai Ena mehuqegeg, haen amuppa danab kuɗum Jesusnu oolagppa genab doyegeg, tamaniak amu tuɗittegeg okkai meum. Anam beebe, tamaniak danab ah oolagppa ameg laa ag Grik nai madittappig, ag ahan ameg laa Hibru nai madittappig, ag ag ele aeg ona aeg do amelagppa appig. “Ag deɗ oh uɗat imu tippaltteb. Ag ah qab ahilkad, ag ee iitta ele, ag ee madatteb, amge ag ihinkad ah qab daatteb amu, ag ii ehanadtteb,” aon appig.

Galesia 1:23

Ag nai inam aakkuib mattieg dooppig. “Anukka danab nug ig eheɗ heikkom, nug aun aɗi ag ooppa genab doyak ele, ahilagnu eheɗ heum amu, gemu nug Nai Ena amu mehuqtte,” anam appig.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.

Jut 1:20

Amge O lailad, ag oolag ɠagattag qettan, ooppa genab doyak oppiaawak ele ahilag aɗeg! Ag hanhan Kayak Ouɗinu ɠagattagppa unuqitteg!