Aposel 28:31 - Nobonob Baibel

³¹ Nug baɗak iitta ele Kayaknu ɗo maɗoɗnu nai, Naɗi Jesus Kristus, nug nuhignu nai ele danab ah ippuanattatta mehuqom. Nug anam heehe, danab laa nuhignu aib ii aum.

Aposel 28:31 Referans Kwoze

Aposel 4:29

Naɗi, danab amu, ahilag nai mattiak ena iitta amu antte! Anidna amu na ig, nahipad maɗi nid amu, ig baɗak ele iittappa nahip nai mehuqkkunignu, na ig ehanigkkutnu oɗ medattem.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Pilipai 1:14

Amu da lailad kuɗum, ag Naɗinu oolagppa genab dootteb ele, ag da hippalakppa daattemnu dabmeeg, ag oolag ɠagattag qette, ag oolagppa ɠagattag doon, baɗak iitta Kayak nai mehuqtteb.

Aposel 20:25

Ag doyeg! Anukka da ag oolagppa oiyeye, da Kayaknu ɗo maɗoɗnu nai amelagppa mehuqmi, am gemu da doottem, ag oh da iɗul baula ii anidmana.

Aposel 8:12

Amge Pilip nug Jesus Kristusnu amu Kayaknu ɗo maɗoɗnu Nai Ena mehuqe, ag doonna, haen amuppa danab ah ele ag oolagppa genab doyeg layattom.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

Aposel 5:42

Anam amu, deɗ oh ag Kayaknu mettid lakka, amu danab ah laulagppa ele oina, Jesus Nug am Kristus, amu mehuqnana ippunadppig. Ag Nai Ena mehuqkkulagnu ii uuppig.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.

Luk 8:1

Haen laa dimppa Jesus Nug ukka, aab nakok okkai, aab nakok ele laalappa oiyaya, Kayaknu ɗo maɗoɗnu Nai Ena mehuqa, danab ah ippuanattom. Nuhikkud ippunittak awak danab 12 ag Nug ele oiyegeg,

Mak 1:14

Aria, haen amu male, Herot Antipas nug Layattak Jon maniguittakppa me dayeye, Jesus Nug aha, Galili ukka, Nug Kayaknu Nai Ena mehuqom.

Aposel 1:3

Aria, Nug guittak nau amu awa mauhowa, dimppa Nug genab eɗua hibaittom Nug nuhikkud totol danab 11 ippuanadkkunu, eɗuak hibaittak dimppa Nug nuhikkud totol danab 11 haen gamag deɗ 40 amuppa gumatta ona, ib kuɗumppa keeke amu ippuanattom. Nug deɗ 40 amuppa Kayaknu ɗo maɗoɗnu nai ele mehuqe dooppig.

Aposel 28:30

Maɗ aɗit Pol nug nukka lag daden meum amuppa dayaya, danab ah oh ag nug gumidna uɗippig uɗiegeg, nug ag ele laippu dayaknu ooppa eleleib doya, diieye daappig.