Aposel 28:23 - Nobonob Baibel

²³ Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 28:23 Referans Kwoze

Aposel 19:8

Aria, Pol nug Juda dilag nai doyak lag ooppa noa, nug baɗak iitta ele Kayaknu ɗo maɗoɗnu nai kalam ewam, danab nug nuhig nainu ooppa genab dookkunu elelenab mehuqom.

Aposel 18:28

Nug Juda danab ele danab ah noolagppa nai mattinna, nug Kayak naippanu, Jesus am Kristus ippuanattatta mattiaya heehe, nuhig nai am Juda dilag nai huana eɗittom.

Aposel 26:6

Amu Kayak Nug anukka ig mamenkad aɗi amelagppa nai laa qakka aum, amu da ana qakkak nai amunu dabmak aɗa ameg ma dayak doottem amunu, Juda ag da hettoɗiakppa meiɗna beɗulppa nai yaatteb.

Aposel 8:35

Oɗ mette aria Pilip nug danab amu amegppa Kayak nai, nug ebqeum, amuppa digma, Kayak nai laala ele awa, Jesusnu Nai Ena mehuqom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Aposel 18:4

Ag uɗat amu henana, Pol nug Sabat deɗ ohppa amu Juda dilag nai doyak lakka noono, nug ag ele nai mattina, nug heeb Juda amu Grik ele ahilag dabmak amu eɗun, ag Jesusnu oolagppa genab dooglagnu oolag yom.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Pilemon 1:2

Aria, i Kristen tamaniak na lautppa qagmetteb, i appinanih Apia, amu Arkipus, nug i ele uɗat imuppa laippu hettem amu, i ahilag ohnu nai imu yaattep.

Mak 4:34

Nug keeke danab ag dootteb ii dootteb ele ouaqata ippuanittak nai aakkuib mattiom, amu Nug nuhikkud ippunittak awak danab ele haen laala ag akkaib daanna, Nug nuhig nai oh amu diig mehuqttom.

Luk 16:28

Aɗinu? Da amalad tanig ele, amu ag ele aben guittak naɗi imuppa uɗimnanu, Lasarus nug nau aomnanu dabmettak nai ab ag dooglagnu ool daatte,’ awa aum.

Aposel 1:3

Aria, Nug guittak nau amu awa mauhowa, dimppa Nug genab eɗua hibaittom Nug nuhikkud totol danab 11 ippuanadkkunu, eɗuak hibaittak dimppa Nug nuhikkud totol danab 11 haen gamag deɗ 40 amuppa gumatta ona, ib kuɗumppa keeke amu ippuanattom. Nug deɗ 40 amuppa Kayaknu ɗo maɗoɗnu nai ele mehuqe dooppig.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.

Aposel 24:14

Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Aposel 28:31

Nug baɗak iitta ele Kayaknu ɗo maɗoɗnu nai, Naɗi Jesus Kristus, nug nuhignu nai ele danab ah ippuanattatta mehuqom. Nug anam heehe, danab laa nuhignu aib ii aum.

Pilemon 1:22

Keeke laippu laa ele. Geha ag Kayak unuqidppeg doya, Nug da awiɗa eɗua ag matteb, da goppi, na ele daagnihnu dabmettem amunu, na lag oo laa dahilnu bappaidkkutnu ele oɗ medattem.