Aposel 28:20 - Nobonob Baibel

²⁰ Diig amunu da ag gemu daatteb, da ag ele mattit, appi anidna dooglagnu am da ag anadkkulnu ele ool daye onilagppa emi. Da Israel dilag dabmak aɗa ameg ma dayak, ⌊amuam Kristus uɗikkunu dabmak⌋ da amunu gemu sen imuppa da eppel qakkak daattem,” awa aum.

Aposel 28:20 Referans Kwoze

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

Pilipai 1:13

Amunu daup oh, Sisarnu lag enanagnab gumatteb ele, amu danab laala oh ele, ag da Kristusnu dayeye, diig amunu da hippalak daattem amu, ag aakku dootteb.

Aposel 26:29

Nug anam a amu Pol nug aum. “Da haen elab madikkul o da haen tutu madikkul, amuam keeke okkai iitta. Keeke okkai amu na da daattem bia daakkut, amu da amunu Kayak unuqidttem. Na nakka iitta. Gemu danab laa imu oh ag dahil nai dootteb, ag ele anam daaglagnu unuqidttem. Sen imu aakkuib am ag aoglagnu da ool ii daatte,” awa aum.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Aposel 24:15

Da amu oolppa genab doottem, amu da keeke laa elenu dabmak aɗa ameg ma dayak doottem, danab imu hetteb, amubia. Amuam Kayak Nug geha heeb, genab tutukku hak danab, amu danab nau ele oh ag eɗun hippaidkkulag.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Aposel 21:33

Uueg, ban daup dilag ikki anuqak nug gumatta wana, Pol aɗa, daup amelagppa, “Ag nug sen aɗitppa qakkeg!” ana, nug Juda danab oɗ mattom. “Imu danab aun, nug aɗi heum?” awa oɗ mattom.

Pilemon 1:10

Da na Onesimus, nug Jesusnu ooppa genab doyakppa da bekkal daatte, amunu na nug dabmedakkutnu unuqidttem. Da maniguittakppa dayeye, nug Jesusnu ooppa genab dookkunu ib am da ippunitti, nug am dahil nid bia daatte.

Aposel 10:33

Nug anam a amu da paha hei, danab laala na omaidkkulagnu ukkaeg, am na ena hena uɗime. Aria, ig oh Kayak noobppa inam daatta amu, Naɗi nuhig nai oh Nug na appe doognignu a doome ele amu, na appe doognignu daattem.” Kornilius nug Pita amegppa anam aum.

Pilemon 1:13

Da Jesusnu Nai Ena mehuqiqi, ag da hippaliɗppig daattem amunu, da maniguittakppa haen imuppa daabppi, Onesimus nug na out dayaya, nug da ehaniɗebeb daagnihnu ool dayom.

2 Timoti 1:10

Amu lokkumak dayom, amge gemu ihinig Eɗua Awikkak Danab, Kristus Jesus, Nug uɗia he, miag atiom. Nug mauhaknu ɠagattag he iitta me, ig attemun bauklel aognig amu Nug Nai Enappa ippunikkom.

Kolosi 4:18

Da Pol, da dakka da eppelppa humattak nai uɗug imuppa iikku yaattem. Da maniguittakppa daattem amunu, Kayak dahilnu unuqidkkulagnu aib daulag atiom. Kayaknu ehanittak okkai hamu mettak ahilagppa dayaɗ!

Aposel 28:17

Pol nug appa dayeye, deɗ ewam uue nug Juda dilag ikki danab onilagppa ee uɗin qagmeeg, nug amelagppa inam aum. “O lailad, da ihinig huu amu tappadppi nokkulagnu o iitta ig alankad dilag kobol amu nau ainne maute ukkaknu laa ii hemi. Da anam laa ii heme, amge Juda ag da Jerusalem appa hippaliɗna Rom danab eppelagppa meiɗppig.

Aposel 10:29

Amunu haen ag da gumatte uɗikkulnu onilppa eppig amu, da ahilag ewak amu tappai ii neum. Iitta! Ag da uɗikkulnu appig am da iikku uɗimi. Aria, ag da onilppa eppig, ag amunu diig nakok appeg dookkulnu ool daatte,” awa aum.

Jeremaia 40:1

Nebusaradan, nug daup Nebukatnesar gumappig dilag okkai amu, nug Rama dayaya, nug Jeremaia Jerusalem appa Jerusalem danab ah, amu Juda danab ah laa ele nug ag Babilon diia ukka maatteb, ag appa diia ukka laih me dayak danab ah daaglagnu daappig oolagppa maniguittakppa, senppa qakkak dayomnu uhuqak daakkunu a, dimppa Yawe Nug Jeremaia nai laa mette doyom.