Aposel 27:34 - Nobonob Baibel

³⁴ amunu, da ag amelagppa dabmak maɗettaknu nai iikku attem. Ag ee laala aon lana, ɠagattag aweg! Doyeg! Ag oolagppa laippu laa nug ii mauhma,” awa aum.

Aposel 27:34 Referans Kwoze

Matyu 10:30

Laa ele amu, ag Mamelag, Nug ag ikkilag uɗug oh ebaqa malom

1 King 1:52

Aria, Solomon nug nai amu doya, nug nob ma, inam amelagppa aum. “Adonaiya nug kobol ena, kobol tutukku dim lamidtte dayeb amu, da aɗinu nuhigppa eheɗ hekkul. Amge nug kobol eheɗ hekku amu, nug mauhkku,” awa aum.

Luk 21:18

Ag anam hekkulag, amge ag dahilad amu ag ikkilag uɗug laippu laa ii qettoɗma.

1 Timoti 5:23

Na ootppa oɗe daatte, haen kuɗum oɗe laala ele nidatte amunu, na tuɗidna le hamuib aib lame. Iitta. Na wain nakok ele la!

Luk 12:7

Nug ag ikkilag uɗug oh ebaqa malom. Ag aib baɗappig. Ag ai naunau kuɗum, ag amu dilag daden oh eɗadna malappig.

Pilipai 2:5

Jesus Kristusnu dabmak bianab ahilagppa daakku am ena.

Matyu 15:32

Danab ah ag anam heeg amu, Jesus Nug nuhikkud ippunittak awak danab onilagppa e doeg, ag amelagppa aum. “Da danab ah imu oh dilag ool bodoetta le mette. Ag dahilppa uɗieg, ig deɗ ewam imu aakku daamut. Ag ee oh laeg iitta me, gemu ag ee iitta. Da heppi, ag enug gokkulagnu ool ii daatte. Aɗinu? Da ee ii matten heppi, ag enug aqebeb gonana, ib manppa ag amelag qittineb, nena qekkulagtai,” awa aum.

1 Samuel 14:45

Saul nug anam aum, amge daup laa ag appig. “Jonatan nug he, ig Israel, ig Pilistia lamadmut amunu, nug mauhkkute? Iittanab iitta! Kayak Nug Jonatan eppegppa gemu he, ig Israel ig ehanittak okkainab aomut amunu, Yawe Nug genab bau daatte, genab amubia laa nug keeke eheɗ laa Jonatan nuhigppa iinab ii hema,” aon appig. Daup ag anam appig amunu, kobol amuppa ag hena, Jonatan mauhak eppegppanu eɗun aoeg, Jonatan ii mauhom.

Aposel 27:33

Aria wagɗe, aam bekkunu heehe, Pol nug aha, danab oh ag nakok beɗulag ɠagattag qekkunu, nug ag amelagppa aum. “Ag ahan, ee nakok aon laig! Haen elabnab ag oolagppa maɗoɗ iitta daanna, oolag uug ele daappig. Ee laa ii lappig. Deɗ 14 iikku hamu daappig