Aposel 27:22 - Nobonob Baibel

²² amge da geha iikku ag amelagppa attem. Ag oolagppa ɠagattag qak doyeg! Ig oonigppanu danab laippu laa ii mauhma. Uub nukka nauhkku,” awa aum.

Aposel 27:22 Referans Kwoze

Aposel 27:36

Pol nug anam he amu danab oh ag anidna, ag oolagppa ɠagattag doon, ag ele ee aon lappig.

Aposel 27:25

amunu, ag oolagppa ɠagattag qak doon, aib baɗappig. Aɗinu? Da Kayak, Nug da amelppa nai aum amu, keeke amu anamib bekkunu oolppa genab doottem.

Aposel 27:34

amunu, da ag amelagppa dabmak maɗettaknu nai iikku attem. Ag ee laala aon lana, ɠagattag aweg! Doyeg! Ag oolagppa laippu laa nug ii mauhma,” awa aum.

Sam 112:7

Danab anam, nug nai uug ele uɗieb dookku amu, nug ii baɗama; Iitta. Nug Yawenu ooppa genab dootte amunu, nug ooppa maɗoɗ daatte.

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.

Aposel 27:44

Aria, nug ele danab laala ag ilog mak ii doodppig ele ag uub aoɗom, ag amunu ad maha laippu laippu diin, maya mena gona eeɗkkulagnu aum. Amu ib amuppa danab oh ag enaib gona, yu ihippa teppig.

Aposel 27:31

amge Pol nug ban daup 100 dilag ikki am daup ele amelagppa aum. “Danab umu ag uubppa ii daaglag amu, ag laa uubppa daatteb ele ag padal mekkulag,” awa aum.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Esra 10:2

Esra anam he, Jehiel bekka Sekania, nug Elam buɗub laa, amu nug aha, Esra amegppa aum. “Danab ah ag ig miag taliligna daatteb, ig ahilagppan ah diimut, amuppa ig ihinig Kayak ippunikkomnu oo metta ii uuak kobol ii dim lamidta hemut. Ig anam hemut, amge dahil ooppa genab doyakppa, da ig oonig eɗueb, ig eɗut, ib tutukkuppa oignig dayeb amu, Kayaknu ehanittakppa ig Israel, ig ena bekkunu dabmak aɗa dayaknu dabmekkunignu elele.