Aposel 27:18 - Nobonob Baibel

¹⁸ Amu ulah ig eheɗ naunab iqaib dayom amunu, wagɗe deɗ amuppa, ag ahan, digmena uubppanu keeke akkaeg yuppa noum.

Aposel 27:18 Referans Kwoze

Jona 1:5

Anam he, uub gumak danab ag huanak baɗana, ag oh ahan, akka akka ahilkad kayak hambuppuak unuqidppig. Amu uub uug iitta gokkunu ag ele ahan, keeke laala akkaeg, yuppa noum. Ag anam heppig, amge Jona nug matu noa, uub ooppa bet attan na qa, huana niiom.

Aposel 27:38

Ag ee laeg elele daye amu, aria uub amu uug iitta daakkunu uubppan uɗat danab ag ee aeg akkaeg yuppa noum.

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Aposel 27:19

Ag anam heeg ukke, deɗ ewamppa amu ag akka eppelagppa uubnu ulah duttunaknu keeke laala aotna, buɗieg yuppa noum.

Luk 16:8

Uɗat gumak danab nug ib laa doyak ele, amge ib amu ele am ena iitta, nug ib amuppa keeke amu he beum amunu, nuhig okkai nug gumak danab nug uɗat kaliak amubia hekkunu doya aut autanab awak dayeyenu aum. Aɗinu ⌊nug anam aum⌋? Wannu haen imuppan danab amu, ag ahilag uɗat hekkulagnu elelenab, ag amuppa, ag danab amahlakppanu eɗadtteb,” awa aum.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Sam 107:27

Ahilag uub am ta nak huananab he, uubnu uɗat nid ag tutukku ii oippig. Ag danab ag le nau lawona, qiia ona, qiia doak tappan oitteb bia oippig. Ag ahilag dabmak eɗatte, ag aɗi hekkulagnu oolag ii maittom.

Luk 12:23

Bau dayak amu ee lanakib iitta, beɗu nug lamen takkaknuib ele iitta.