Aposel 26:13 - Nobonob Baibel

¹³ O king, da aam ameg tutukku bia, haen amuppa oiiyi, amahlak laa hab aabppanu na, da amu laala da ele gomut amu ig talilikka amahalikke anidmi. Amahlak amuam aamnu amahlak eɗittak.

Aposel 26:13 Referans Kwoze

Matyu 17:2

Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Revelesen 1:16

Nug eppeg naɗiap-ppa amu hoɗoppai eblaih aɗit ele aɗalattom. Qep elab aeg laih laih aeg ele amu, nug oɗeppanu dimittim doum. Nug iɗu amu aam ɠagattagnab naana amahaltte amubia amahalom.

Aposel 22:6

Pol nug nai amu ana, nug nai tuɗitta aum. “Da ukken Damaskus guguitten ukkayi, aam ameg tutukku bia, haen amuppa laippun hab aabppanu amahlak okkainab na, da taliliɗa amahaliɗom.

Aposel 9:3

Aria nug ya, Saul mette, nug ukkom. Ukka Damaskus guguittette amu, laippun hab aabppanu amahlak okkai na, nug talilitta amahalom.

Aisaia 30:26

Qinob, haen amuppa Yawe Nug nuhikkud danab ah Nug eppegppa guittak aoppig ele oh ihilag ita heeb, ihilag oh qaɗaiedakku. Nug anam heebeb, kalamnu amahlak, am aamnu amahlak bia dayebeb, aamnu amahlak gemu amahlak laippu daatte, haen amuppa nuhig amahlak am amahlak eblaih aɗit bia daakku. Deɗ eblaih aɗitnu amahlak deɗ laippuppa haen amuppa daakku.

Aisaia 24:23

Yawe Nukka Ɠagattag Oh Ele, Nug uɗia, Sion qaukoppa Jerusalem appa, danab ah nuhikkud dilag ikki danab noolagppa danab ah gumattebeb, Nuhig binag amahlak oppiaawak ele am miagib daakku. Anam amunu, aamnu amahlak, kalamnu amahlak ele am geha keeke hamu bia daakku. Aam o kalam danab daalo, am nug uɗa nelo.

Aposel 22:9

Danab laala ag da ele gomut amu, ag amahlak anidppig, amge Naɗi Nug nai da amelppa mattiom ele, ag amunu oolag ii maittom.

Aposel 26:12

Da anam heiyi, deɗ laa mana mettak danab okkai ag da Damaskus gokkulnu pas laa yaan meɗappig. Pas amuppa ag da kobol hettami ele appa hekkulnu ag ahilag ehah oh da meɗan, amu haknu ɠagattag ele meɗaeg, da aakku gomi.

Aposel 26:14

Amahlak amu talilikke, ig oh wanppa neta qeut, baag laa Hibru naippa da amelppa inam a doomi. ‘Saul, Saul na aɗinu da eheɗ heiɗttem? Na da oɗel ii dim lamidttem amu, amuam genab, kobol ena iitta!’