Aposel 25:23 - Nobonob Baibel

²³ Aria deɗ amu uue, wagɗe deɗ amuppa King Agripa nug Bernaisi ele aa laa ag binalah mak kobol kobol heegeg, aa qagmak lag ooppa noya daaeheh, ban daup danab okkai okkai amu aab okkai amunu ikki danab oh ele nona daaegeg, Pestus nug he, Pol omalna wappig.

Aposel 25:23 Referans Kwoze

Aposel 26:30

Pol nug nai amu mattia male, King Agripa, gawana Pestus, Bernaisi, amu danab daappig ele, ag ahan,

Aposel 25:13

Am deɗ laala uue amu King Agripa amu Bernaisi ele, ⌊aa eappinag amu⌋, aa Pestus humidkkulahnu Sisaria uɗipiɗ.

1 Jon 2:16

Aɗinu? Ig doottem, wanppan keeke oh, amuam beɗu kobol haknu oo hak nau dim lamittak, ameg qak doya awaknu oo hak nau dim lamittak, amu nukka binag maknu oo hak nau dim lamittak ele, kobol amu oh am Mame toppanu iitta, keeke amu oh am wanppanuib.

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,

Jems 1:11

Ig doottem, aam nug naɗi ma, na he, bala mauɗe, nug haɗag na qe, nuhig bala anttak aakku nauhtte. Amubia enub danab nug uɗat nuhig haaha dayaya mauhkku; ⌊nuhig keeke ii ehanitteb, nug tuɗid bau daakku⌋.

1 Korint 7:31

Danab ag wannu keekeppa uɗat hetteb amu, ag am, “Ig wanppan keeke imu ɠagattag ii aɗattem. Ig keeke laa ii aɗat, hamu daattem,” amubia dabmenan daaglag am ena. Ig doottem, geha wan imuam baolieb, gemu daatte amubia ii daama.

Aposel 12:21

Ag anam heeg, Blastus ehanadkkunu ana, Herot amegppa a, aria Herot nug doya, amu hekkunu deɗ laa mewowa, nug deɗ amuppa nug kingnu lamen elab ma, nuhig balal enanagnabppa dayaya, ag amelagppa nai mattiom.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Esekiel 33:28

Da heppi, wan imuam hele-ettak, wan meu waknu nakokib elele, am anam daakku, appa keeke laa ii daama. Israelnu ɠagattag iitta meeb, Israelnu qauko am hele-ettak, wan meu waknu nakokib elele daappeg, danab ag qaukoppa tena, letan, laih gokkulagnu ii hemana.

Esekiel 32:12

Amu da heppi, ag na, nahipad daup ele ban henana, Babilon dilag daup, ag am danab ɠagattag, ag nahipad daup huanaknab qep elabppa aqappeg mauhkkulag. Babilon dilag daup ag am oo doyak ii doyaya nau hak danab; ag kobol amu hekkulagnu laa oh eɗattak. Daup amu ag heppeg, Isip ag dada kobol ii dim lamidmana. Ao, ag Isip dilag daup huanaknab aqappeg, Isip am na qak daakku.

Esekiel 30:18

Isip danab ah, ag dada kobol henan oitteb, amge deɗ amuppa da heppi, aab Tapanesppa gatatu neeb, Isipnu ɠagattag am iitta mekku. Da heppi, bud Isip wan tonebeb, kekeɗ ag heppeg, danab ah aab naunauppanu ag wan laalappa diia ukka laih me dayak danab ah daaglagnu gokkulag.

Esekiel 7:24

Da heppi, wan laa, wan amuppan danab ag nau hak danab, laa oh eɗattak ele amu, da heppi, wan amuppan daup ag uɗin, Juda danab eɗadna, ag laulkad am ahilag daakku. Da heppi, Juda dilag okkai ag dada danab baula ii daamna. Da heppi, kekeɗ amu ag uɗin, aben laala, Israel ag aben amuppa ahilag kayak hambuppuak binalag metteb amu, ag aben amu oh heppeg, nauhna autna aona, dubuttid tak ele daaglag.

Aisaia 14:11

Danab ag na binan, onin okkai humaegeg oime ele amu, binag amu ele ippa, danab mauhak appalag imuppa uɗiom. Danab ah ag harp qena, ag musik nahip heeg doon gaman ahom ele amu, musik amu ele ippa uɗiom. Nahip balal, na amuppa niikkutnu amu, balal amuam ag doɗ teppu beɗaknu mamat gokkaɗna, ag amuppa bappaidna heppig. Ao, beɗun laidna niikkutnu lamen amu, lamen amuam gawat aakkuib.

Aisaia 5:14

Diig amunu amu, mauhaknu aben nug oɗe aaheum daatte. Ge, mauhaknu aben nug nuhig oɗe okkainab, huanak aaha daatte. ⌊Mauhaknu aben anam daatte⌋, amu Jerusalemnu danab okkai aɗi, amu Juda danab ah laa kuɗumnab ele, ag mauhak abenppa nokkulag. Ao, Juda danab ah ag gemu gamalag ahehe, hobul henana, muttub qetteb ele amu, ag am geha mauhak abenppa nokkulag.

Eklisiastis 1:2

Amu Dawit bekka, nug ippunittak danab amu, nug nai imu mattiom. Wan imuppanabnu keeke oh, ge keeke amu oh, am gaɗappa, unuqagppa ele anttak laippu iitta! Ge, gaɗappa, unuqagppa ele anttak laippu iitta! Am genab, gaɗappa, unuqagppa ele anttak laippu iitta.

Esta 1:4

Gamag ahak haen amuam kalam eblaih laippu ele dayom. Kalam eblaih laippu ele haen amuppa king nug danab amu dabmatta auta awa, nug ee elelenab mattom. Nug anam heum amuppa nug enub ele, amu binag amahlak oppiaawak ele nuhig, nug amu ippuanattom.

Mak 6:21

Aria, ag anam daanna, deɗ laa Herodias nug Jon qekkunu ib anttom. Deɗ amuppa Herot nug nuhig menuak deɗ be, nug gabmannu ikki danab, ban daup ikki danab, amu Galilinu danab okkai laala ele, ag nuhig menuak deɗ amunu gamag ahak hekkulagnu hobul heum.