Aposel 24:26 - Nobonob Baibel

²⁶ Nug oo baɗom, amge nug ele inam dabmeum. “Pol nug men doɗo laala meɗeb uhuqkkul.” Anam dabmaama, nug haen kuɗum Pol onigppa e uɗie, nug ele nai madipiɗ.

Aposel 24:26 Referans Kwoze

Prowerb 17:23

Nau hak danab nug lokkumakppa eheɗ haknu ehanittak aotte; nug hettoɗiak haenppa nai doya mala hettoɗia epeɗia elele mettak elele ii bemanu anam hette.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

1 Korint 6:9

Ag imu iite dootteb? Danab ag nau hetteb ele amu, ag Kayaknu ɗo maɗoɗ ooppa ii daamna. Na nakka nahipnu aib hambuppume. Aun aɗi ag gappai hetteb, o aun aɗi ag kayak hambuppuak binalag metteb, o aun aɗi ag ewau pakkua gappai hak danab daatteb, o aun aɗi ag danab danabib, o ah ahib gappai aɗatteb,

Aposel 24:17

Amu da anam hein, maɗ laala da ukken, aab laalappa dayeye oiyeye, amu dimppa amu da eɗuen, da men doɗo Judanu daɗek madakkulnu amu doɗ manen Kayak medakkulnu Jerusalem temi.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Hosea 4:18

Israel danab ag wain ahilag laeg iitta mette me, ag tuɗidna, kayak hambuppuak laulagppa kayak hambuppuak noolagppa dup nona binalag menana, ag ib baag ah appa uɗat hetteb ele niitteb. Ge, Israel dilag ikki danab ag uɗa nak kobolnu enaib dootteb.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Aisaia 56:11

Israel dilag okkai ag qai nug ee lakkunuib dabmaama oitte, ag amubia daatteb. Ag keeke aotteb, amge ag gane aonna, ag, “Aakku elele,” ii atteb. Iitta. Ag baubau aoglagnuib hetteb. Ag sipsip gumak danab doyak iitta ele amunu, nug eheɗ hette, ag amubia daatteb. Ag oh ahilag dabmak dim lamidkkulagnu hetteb. Ag oh anen anen en okkai qagmekkulagnu hetteb.

Aisaia 33:15

Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Prowerb 29:4

King nug nai doya mala, hettoɗia, eppedia, elele mettak kobol dim lamidtte amu, nuhig wan am ɠagattag daatte; amge king nug lokkumakppa eheɗ haknu ehanittak wagai ma aotte, amuppa nug he, wan nuhig nauhtte.

Prowerb 19:6

Danab kuɗum ag danab okkai nug ahilagnu ena dookkunu, ag kobol digdig hetteb. Ao, danab oh ag laa nug keeke kuɗum awa, laa ahilag daakkunu hamu madattenu, “Da am nug layag daattem,” atteb.

Prowerb 17:8

Danab laa nug lokkumakppa eheɗ haknu ehanittak laa mette, laa nug oɗe dim lamidtte; laa amu hette amu, nug attem attem hette, am enaib he bette ⌊bia dootte⌋.

Job 15:34

Nau hak danab ag ad, o grep muɗi amubia daaglag. Aɗinu? Danab ag Kayaknu nuhig haknu ele uuak dootteb ele, ag hamu, keeke iitta ele daaglag. Ao, laa ag lokkumakppa eheɗ haknu ehanittak aoglagnu doon autna aotteb ele amu, aab am ahilag keeke oh ewa maleb, ag hamu, keeke iitta ele daaglag.

2 Stori 19:7

Amunu ag amu dabmena, ag ebehilag oh Yawenu bodoetta le maɗ! Yawe, ihinig Kayak, Nug nai doya mala hettoɗia epeɗia elele mettak kobol dim lamidtte; Nug kaliak nakok laa ii hette. Nug men doɗo awa, laa eheɗ heumnu, ‘Nug ii heum,’ iinab atte amunu, ag epeɗiak maɗi ahilag pehettak, eleleib heig!” awa aum.

1 Samuel 12:3

Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.

1 Samuel 8:3

Aa anam hepiɗ, amge aa mamelah ippu ippuanatom ele amu, aa ib amu ii dim lamidpiɗ. Iitta. Aa men doɗo ib ena iittappa aoglahnu hepiɗ. Aa danab ag epeɗiak uɗat hekkulahnu uɗippig, haen amuppa aa lokkumakppa eheɗ haknu ehanittak aopiɗ. Aa nai doya mala hettoɗia epeɗia elele mettak kobol amu, aa amu dab-ii-mepiɗ; aa men doɗonu aakkuib dabmepiɗ. Diig amuppa amu, aa epeɗiak tutukku iinab hepiɗ.

Duteronomi 16:19

Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.

Eksodas 23:8

Danab nug hettoɗiakppa nai hambuppuak genab daakkunu lokkumakppa eheɗ haknu ehanittak mattaknu ab amu, aria ag men doɗo amu aib aoppig. Aɗinu? Kobol anam, amuam he, hettoɗiakppan danab okkai dilag dabmak, amu danab laa dilag dabmak ele he kaboliattette, genab tutukku hak danab dilag nai ele he, kaliak daatte.

Matyu 17:3

Anam amahalele amu, Moses, Elaiya ele aa tulai doeh, Jesus ele nai madippig.