Aposel 24:20 - Nobonob Baibel

²⁰ Anam iitta dayeb amu haen da Juda dilag hettoɗiak okkai onig Sanhidren, amunu qagmakppa daaiyi, aɗi eheɗ laa dahilppa daatte anidppig amu danab uɗin, gemu daatteb, ag tutukku appeg doye!

Aposel 24:20 Referans Kwoze

1 Samuel 12:5

Ag anam aeg, Samuel nug aum. “Yawe, king Nug goɗen gokkaɗakppa tituanom ele amu, aa gemu ahilag nai dahilnu, da ahilagppa eheɗ laa ii hemi, aa gemu nai amu aakku dooya malapiɗ,” awa aum. Nug anam a, danab ah ag appig. “Genab, Yawe Nug aakku doya malom. ⌊Ig nai ihinig baolignignu elele iitta,⌋” aon appig.

Daniel 6:5

Danab amu ag anam beɗu mak daanna, Daniel uɗatppa eheɗ laa ii heum anidna, ag akka akka appig. “Ig Daniel uɗat heebeb, aɗi eheɗ laa anidta, king amegppa akkunignu am ii anidmata. Ib laippu aakkuib daatte. Amuam nug nuhig Kayaknu ɗo pehettak dim lamidtte amunu, ig nug amuppa eheɗ laa heeb anidkkunigtai,” aon appig.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

1 King 18:18

Nug anam oɗ mette, Elaiya nug Ahap aum, nug amu nob ma inam aum. “Da iitta, da Israel uug laa ii mattami, amge na, amu na mamen ele, aa, amu aa baelti ele, ag Israel uug mattaegeg uɗie, gemu ele hetteb. Aɗinu? Ag Yawenu haknunab nai tappaeg ne, ag kayak hambuppuak Bal iɗu iɗu noolagppa dup nona binalag meegeg uɗie, gemu ele hetteb.