Aposel 23:29 - Nobonob Baibel

²⁹ Noin, da oɗ mattai, ag da amelppa ahilag ɗo naippanu nai laala nug beɗuppa yaana madippig, amge ag nug keeke eheɗ heum, ig amunu nug qepput mauhkkunu o maniguittakppa mekkunignu laa mattieg ii doomi.

Aposel 23:29 Referans Kwoze

Aposel 26:31

dimittim gona, akka akka inam madippig. “Danab umu nug keeke laa, nug maniguittakppa daakkunu o qepput mauhkkunu laa ii hette.”

Aposel 25:25

Amge da nug mauhkkunu keeke laa ii anidmi. Amge nug nukka Sisar nug nuhig nai dookkunu a amu, da nug Sisar toppa meppi gokkunu ai, nug amu ameg ma daatte.

Aposel 18:15

Amge ag uɗin, ag nai onignu, onig laalanu ele amu ag akka ahilag ɗonu ele da oɗ meɗatteb amunu, da amu ii hepa; ag akka babaitteg! Da keeke amu epeɗikkulnu, da uumi!” awa aum.

Aposel 28:18

Meiɗeg, Rom ag dahil hettoɗiak dooppig, amu ag da eheɗ hei, iuppeg mauhkkulnu laa ii anidna, ag da uhuqilkkulagnu heppig.

Aposel 25:11

Da mauhkkulnu keeke laa hemi dayeb amu, ag heppeg mauhkkul am elele; ag ena da iuppeg mauhkkul. Amge Juda ag da hettoɗiakppa meiɗna, nai madippig ele amu, nai amuam genab iitta dayeb, danab laa nug da ag eppelagppa meiɗkkunu amu eheɗ amunu da Rom ukken, Sisar toppa tein appi, nug dahil hettoɗiak amu nug dookkunu ool daatte,” awa aum.

Duteronomi 21:22

Am laa nug eheɗ hak naunab laa, mauhak ibppa hekku dayeb amu, ag nug qeppeg mauheb, nug gaɗa ad attan aihppeg,

Jeremaia 26:16

Jeremaia nug ag amelagppa anam a amu, kingnu ehanittak anuqak danab, danab ah oh ele ag mana mettak danab, amu propet danab ele amelagppa appig. “Ig danab imu qepput mauhkkunu keeke laa ii heum. Nug Yawe, ihinig Kayak, nug Nug onigppa ig amenigppa nai mattiom,” aon appig.