Aposel 23:16 - Nobonob Baibel

¹⁶ Ag anam hekkulagnu appig, amge haen Pol bekka nakok, nug anig Pol ele aa eappinag amu, nug ag ib aɗan daappeg, Pol noobob, qeppeg mauhkkunu mattiegeg doya amu, nug ukka, daup laulag ooppa noa, nug Pol amegppa amunu aum.

Aposel 23:16 Referans Kwoze

Aposel 23:10

Naippan nug qak amuam okkainab be, huana heeg, ban daup dilag ikki anuqak nug antta, “Ag Pol aɗan eeɗna, gamagppa paguppeg mauhkkutai,” anana, oo baɗe, nug daup amelagppa, “Ag nona, wagai mena, Pol gamagppanu aon, omalna gona, ag laulag ooppa noig!” awa aum.

1 Korint 3:19

Aɗinu? Wanppanu doyak dabmak ena ele, amuam Kayak noobppa dabmak tutukku iitta. Kayak naippa, nai laa daatte amubia. Nai amuam inam. “Danab wan imuppan dabmak doyak ena ele laala ag doyak dabmak ena ele amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb.”

Aposel 23:32

Gona tena daaegeg, wagɗe deɗ amuppa daup laa oh ag eɗun laulagppa ukkaegeg amu, ban daup hosppa goppig ag Pol omalna Sisaria noppig.

Aposel 21:34

Oɗ matte, danab ah kuɗum daappig ag ahan, laa nai laa anana eegeg, laa ag nai laa anana eegeg, muttub huanak heegeg, ban daup dilag ikki anuqak nug nai amu diig dookkunu elele iitta amunu nug daup nuhikkud amelagppa, “Ag Pol omalna gona, lag ag daattebppa noig!” awa aum.

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Job 5:13

Danab ⌊wan imuppan⌋ dabmak doyak ena ele laala ag doyak amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb. Ge, danab laa ag keeke laa hekkulagnu lokkumakppa dabmenana maittak eheɗ aotteb ele amu, Kayak Nug he, ahilag hak nau amu aakku padal mette.

2 Samuel 17:17

Amu Apsalom, nuhikkud ehanittak ele ag dabmak eheɗ aomnanu Sadok, Abiatar ele bekkalti Jonatan, Ahimas ele aa miag atiak, aab okkai ooppa uɗiya, eɗuya laih gokkulahnu elele iitta amunu, nid aɗit amu aa aab dimittim aben laa onig Enrogel, aa appa daapiɗ. Aa anam daaeheh, Sadok, Abiatar ele aa Husainu nai dooya, aa maɗi ah laa nug nid aɗit amu amelahppa ab, aa goya, King Dawit amegppa Husainu nai akkulahnu meeh ukka, amelahppa a, aa goya, Dawit amegppa apiɗ.

Aposel 21:37

Daup ag Pol omalna, lag daup daappigppa nokkulagnu heegeg amu Pol nug ban daup dilag ikki anuqak, nug amegppa nai laa madikkunu oɗ mette, ban daup dilag ikki anuqak nug Pol Grik naippa nai mattiom doya, ottaia, Pol oɗ mettom. “Na Grik nai doottemte?

Aposel 23:17

Pol nug nai amu doya amu, nug ban daup 100 dilag ikki laa onigppa e do, nug aum. “Na nid bau imu omalna, ban daup ikki anuqak toppa goppe, nug nai laa ab dookkunu atte,” awa aum.

Aposel 24:23

Nug anam awowa, nug ban daup 100 dilag ikki nug Pol aon maniguittakppa mekkunu aum, amge maniguittak ɠagattagnab iitta, amu ban daup 100 dilag ikki nug ele Pol laikkud uuatteb, ag nug ehanidna, keeke aon gona mettaglagnu amu aib ii aum.

Prowerb 24:15

Na nau hak danab nug laa eheɗ hedakkunu meitta daatte bia, na aib genab tutukku hak danab, nug baekkudppa ele eheɗ hadakkutnu maadna daame; na nuhig keeke yab aokkutnu nug laug aib loppaɗme.