Aposel 22:25 - Nobonob Baibel

²⁵ Nug anam a, ag Pol bu qaun eleppa eheɗ mataɗkkulagnu muɗippa hippalegeg amu, ban daup 100 dilag ikki laa nug Pol guguitta hibaitta dayeye, Pol nug amegppa inam aum. “Rom dilag ɗo am attem ippunigtte? Ag Rom danab nug tatam bu qaun eleppa eheɗ mataɗppeg, dimppa nug hettoɗiakppa, nug eheɗ heumtai o iittatai anidkkulagnu attete?” awa oɗ mettom.

Aposel 22:25 Referans Kwoze

Aposel 16:37

Ag appig amu nug Pol amegppa a doya, nug aum. “I amu Rom danab, amge ag i hettoɗiakppa meitna, i eheɗ hemuɗtai o iittatai amu ag ii dooppig. Iitta. Ag i danab ah noolagppa hamu aɗaitna, makkuɗitnana, maniguittakppa hamu meitppig. Ag anam hewona amu, aɗinu ag gemu lokkumakppa henana, i dimittim gokkunihnu hetteb? Ag anam ii hemana. Iittanab! Ag akka uɗin, i omaitppeg dimittim gokkunihoitte,” awa aum.

Aposel 25:16

Amge da eɗuen ag amelagppa inam ami. ‘Ig Rom, ihinig kobolppa, ig danab laa, laa ag nug beɗuppa nai yaatteb ele, ig nug paha eheɗ heum ii attem. Iitta. Tatam danab nug eheɗ heumtai o iittatai doyaknu nug hettoɗiakppa danab nai nug beɗuppa yaatteb noolagppa daya, nug nukka nuhignu nug aɗi heum ab doot, ig nai amu oh dabmettem. Ig amu hewota, ig nug eheɗ heum anidta amu, ig nug nob mettagnig. Iitta am iitta,’ awe ami.

Aposel 27:43

Ag anam heppig, amge ban daup 100 dilag ikki nug Pol ehanidkkunu oo ha, ag anam ii hemananu ana, nug danab oh laa ilog mak doodppig ele ag tatam uubppanu oolna, yuppa ilog men gona, yu ihippa gokkulagnu aum.

Aposel 23:17

Pol nug nai amu doya amu, nug ban daup 100 dilag ikki laa onigppa e do, nug aum. “Na nid bau imu omalna, ban daup ikki anuqak toppa goppe, nug nai laa ab dookkunu atte,” awa aum.

Aposel 27:3

Aria deɗ amu uue, wagɗe deɗ amuppa ig gota Saidon eeɗmut. Julius nug Pol nuhigppa kobol enaib ha uuitte, Pol nug laikkud gumatta oiyebeb, ee keeke mettaglagnu aum.

Aposel 27:1

Ag nai mattin, ig Itali wannu aab okkai Rom gokkunignu dabmak awona, ag Pol nug, amu maniguittak danab laala ele, ag ban daup 100 dilag ikki onig Julius, nug gumadkkunu nug eppegppa meppig. Nug am ban daup dilag huu laa onig Sisarnu huu, nug am amunu laa.

Aposel 10:1

Aria, iitta aɗi danab laa Sisaria dayom, onig Kornilius. Nug ban daup 100, onig Itali daup, nug amu dilag ikki dayom.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Matyu 8:8

Jesus Nug anam aum, amge ban daup 100 dilag ikki nug aum. “Naɗi, da am danab enate na uɗin, da laul ooppa nekkut? Anam amu, na maɗi nid dahil ena daakkunu naiib appe amu, nug eɗua ena daakku.

Matyu 10:17

Ag dahilad amu, ag wan imuppan danab dilag dabmeig! Danab laa amu ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag.

Aposel 22:26

Ban daup 100 dilag ikki amu nug nai amu doya, nug ukka ban daup ikki anuqak amegppa aum. “Na attem hettem? Danab imu nug Rom danab,” awa aum.

Aposel 23:27

Juda ag danab imu aɗan, qeppeg mauhkkunu heppig, amge da nug am Rom danab doomi amunu, ag anam heegeg, da daup ele ig gota anadta, Pol ag eppelagppan aomut.