Aposel 21:39 - Nobonob Baibel

³⁹ Oɗ mette am Pol nug aum. “Da amu Juda danab; da aab okkai onig Tarsus, Silisia wanppa daatte, amuppan danab. Aab okkai dahil amu onig okkai ele. Amu na appe, da danab ah amelagppa nai madikkulnu ool daatte,” awa aum.

Aposel 21:39 Referans Kwoze

Aposel 22:3

Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Aposel 9:11

A amu Naɗi Nug amegppa aum. “Na ahan, ib onig Tutukku, amuppa gona, Judas laugppa tena, na Tarsus danab laa anidkkut, nug onig Saul. Nug unuqidtte. Amu da hei, nug tuleglegppa, nug eɗua neegkkunu elele daakkunu amu nug danab onig Ananias nug ukka, nug eppeg qaɗeppa me anttom,” awa aum.

Aposel 6:9

amge danab laala ag Stiven ele oolag laippu iitta, ag heeg, ag nug ele nai aeg ona aeg doum. Danab amu ag Juda dilag nai doyak lakka, ag lag amunu, Danab Begbeg Maɗi Nid Iitta atteb ele amu, ag lag amuppa godappig. Danab amu ag am Sairini, Aleksandria, Silisia, Asia elenu uɗiak.

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,

Aposel 23:34

Pol nug dayeye, Peliks nug ad uɗug amu ebqewowa, nug Pol oɗ mettom. “Na apan diig am prowins attenppa daatte?” oɗ mettom. Oɗ mette amu Pol nug aum. “Da am Silisia danab,” awa aum.

Aposel 23:27

Juda ag danab imu aɗan, qeppeg mauhkkunu heppig, amge da nug am Rom danab doomi amunu, ag anam heegeg, da daup ele ig gota anadta, Pol ag eppelagppan aomut.

Aposel 21:37

Daup ag Pol omalna, lag daup daappigppa nokkulagnu heegeg amu Pol nug ban daup dilag ikki anuqak, nug amegppa nai laa madikkunu oɗ mette, ban daup dilag ikki anuqak nug Pol Grik naippa nai mattiom doya, ottaia, Pol oɗ mettom. “Na Grik nai doottemte?

Aposel 16:37

Ag appig amu nug Pol amegppa a doya, nug aum. “I amu Rom danab, amge ag i hettoɗiakppa meitna, i eheɗ hemuɗtai o iittatai amu ag ii dooppig. Iitta. Ag i danab ah noolagppa hamu aɗaitna, makkuɗitnana, maniguittakppa hamu meitppig. Ag anam hewona amu, aɗinu ag gemu lokkumakppa henana, i dimittim gokkunihnu hetteb? Ag anam ii hemana. Iittanab! Ag akka uɗin, i omaitppeg dimittim gokkunihoitte,” awa aum.

Aposel 15:41

Anam aeg amu, aa goya, Siria, Silisia ele tikkui goya, Kristen tamaniak ɠagattag aqapiɗ.

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 9:30

Anam heegeg, Kristen tamaniakppanu nug laikkud ag amu doona, ag Saul omalna Sisaria nona meeg, Tarsus ukkom.