Aposel 20:6 - Nobonob Baibel

⁶ Amu ig Juda hobul laa, amuam Bret Yis Iitta Lanaknu Hobul, hobul amunu mettid amu ukka male, amu dimppa ig ahat, Pilipai appa uubppa teta, ig ukkautut, deɗ tanig ele uue, ig Troas teut, laa anuqna goppig amu, ig ag ele qagmemut. Ig deɗ eblaih aɗit ele appa daamut.

Aposel 20:6 Referans Kwoze

Aposel 12:3

Nug kobol am he, Juda danab ⌊ag Jesusnu oolagppa genab ii dooppig ele,⌋ ag oolag ena daye antta, nug Pita ele aɗom. Kobol amu Bret Yis Iitta Lanaknu Hobul Nakok haenppa beum.

Aposel 16:12

Neapolis appanu amu, ig ahat ⌊baenigppa⌋ gota, Pilipai temut. Aab okkai amunu amu, Romnu gabman nukka tutukku dabmettom; Makedonia wanppa anuqak dayom. Ig deɗ laala aab okkai amuppa daamut.

Eksodas 23:15

Hobul amu laa am Bret Yis Iitta Lanaknu Hobul Nakok. Ag hobul amu gamag ahak ele hena, da ag Israel amelagppa haknunab ami, amubia ag bret yis iitta deɗ ebqak eblaih aɗit ele lakkulag. Da ag amu hekkulagnu haen tituanmippa hekkulag. Da haen tituanmi am kalam onig Abib, kalam amuppa ag Israel ag Isip uun uɗippig amunu, ag kalam amuppa hobul amu heig! Ag amu henana, ag ɗo hamu mettak dahilnu aon uɗiglagoitte. Ag hamu aib uɗippig.

2 Timoti 4:13

Na uɗinna, ulahnu lamen dahil Troas appa Karpas laugppa appa uumi daatte amu, na aon uɗie! Buk itoɗiak oh ele akkan uɗikkutnu ool daatte, amge buk laa, ag buk amu keeke laa onig pasment, amuppa heppig ele amu, na amu aon uɗikkutnunab ool daatte.

Eksodas 34:18

Ag Bret Yis Iitta Lanaknu Hobul Nakok aib daulag atiom; ag gamag ahak ele heig! Ag henana, haknunab nai deɗ amunu oh da mattami amu, ag amu dim lamitteg! Ag kalam Abibppa Isip uuppig amunu, maɗ ohppa, kalam amuppa, da amibia, ag bret yis iitta deɗ eblaih aɗit ele laig!

1 Tesalonaika 2:2

Ag dootteb, haen ig ag gumadta ii gomut, Pilipai appa amu ig guittak aomut, ag ig beɗunig heeg nauhom, amge ig ihinig Kayak, nuhig ehanittakppa, ig ɠagattag daata, wagai meta, nuhig Nai Ena ag Tesalonaika daatteb ele, ag amelagppa mattimut. Tesalonaika appa ele danab kuɗum ag ig ippunig oo neegkkulagnu heppig, amge ig amunu ii dabmemut. Iitta. Ig nai mehuqmut.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

Aposel 28:14

Aab amuppa am ig Kristen laala anattut, ig deɗ eblaih aɗit ag ele dayota, ig ahat Rom tekkunignu ⌊baenigppa⌋ gomut.

Aposel 21:8

Deɗ laippu amu uue, wagɗe deɗ amuppa ig Tolemes uuta gota, Sisaria teta amu ig gota, Pilip, nug Nai Ena mehuqak danab amu, ig nug laugppa nug ele daamut. Nug am digmakppa danab eblaih aɗit ele laa ag totol danab ehanadppig ele, nug am amunu oolagppan laa.

Aposel 21:4

Anam dayeye amu ig gota, Kristen danab anadta, appa ig deɗ eblaih aɗit ele daamut. Amu Kayak Ouɗi Nug Kristen amu dilag dabmak maɗette, ag Pol amegppa, nug Jerusalem ii gomanu appig.

Aposel 16:8

Nug anam he amu ag Misia eɗidna nona, Troas goppig.

Aposel 16:10

Pol nug keeke amu anam antte, aria wagɗe ig ahat paha Makedonia gokkunignu ib mattimut. Ig amut. “Ig doottem, Kayak Nug ig oninigppa eum, ig gota Nai Ena ag amelagppa mehuqpput dooglagnu aum,” aot amut.

Aposel 20:5

Danab amu Pol ele gona, Troas tena, ig amenig meppig.

Aposel 20:16

Pol nug Pentikosnu deɗ ii nak haenppa Jerusalem tekkunu dabmak awom amunu, Asia prowinsppa haen amu eɗidmanu ig Epesus qe-eɗidkkunignu aum.