Aposel 20:35 - Nobonob Baibel

³⁵ Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Aposel 20:35 Referans Kwoze

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Matyu 10:8

Ag gona, oɗe danab bappaladnana, danab mauhppig maɗattanna, danab gaɗalag oɗe nau ele bappaladppeg, ena daappeg, amu ag ouɗi nau ele lamatteg! Keeke ag aoppig amu, ag daden mena ii aoppig, ag hamu aoppig amunu, ag hamu, daden iitta, ag matteg!

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

1 Tesalonaika 5:14

O lainkad, ig nai baula tuɗidta, ahilkad dabmak maɗettagnignu ag amelagppa iikku attem. Danab ag bahi yaak doonna, hamu uɗat iitta oitteb ele amu, ag nau aomnanu nai ag amelagppa aig! Laa oo baɗak dootteb amu, ag ɠagattag aqeg! Ag laa ag ɠagattag iitta amu, ag ehanatteg! Danab oh dilagnu amu, ag dagom kobol dim lamidna oiyeg!

Rom 15:1

Ig danab ig oonigppa genab ɠagattag doottem ele, ihinig uɗat am danab ag oolagppa genab ɠagattag ii dootteb ele ag ehanadkkunignu daatte. Ag akka ahilag uug maoglagnu elele iitta amunu, ig ehanadta, uug ahilag maotu! Amu ig ikka ig aɗi hekkunignu oonig daatte amu, ig ihinig dabmak amuib aib dim lamidta oimut.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

Aisaia 35:3

⌊Anam bekku amunu, ag dahil nai doon, Yawenu oolagppa genab dootteb ele,⌋ ag danab ah ag dabmak ahilagppa, “Ig ebehinig iitta,” doon, ag ahilag dabmakppa, “Ig am gai-iitta daattem,” ele doon oitteb amu, ag ag ehanadna,

Hibru 13:3

Ag lailkad laa maniguittakppa daatteb ele, ag ag ele oh maniguittakppa daalob bia doon, ag amu dilag dabmenan dayeg! Ele amu, ag lailkad laa, danab laa ag eheɗ hadatteb amu, ag ele guittak amu aolob bia doon, ag amu dilag dabmenan dayeg!

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

Aposel 20:20

Amu da nai oh ig ehanadkkunu mehuqkkulnu dayom amu da madikkulnu ii bodoettami. Iitta. Da qagmak abenalkadppa, ag laulkadppa ele da amu ippunadmi. Amu ag amu ele dootteb.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

2 Korint 12:13

Da Kristen tamaniak laappa kobol laa hettem, anamib aakku ahilagppa ele hettem. Laippuib amu da ahilagppa ii hemi. Amuam da uug madette, ahilagppa ehanittak laa ii aomi. Gadon ag dahil hak nau amu uhuqna meɗeg!

2 Korint 11:9

Anukka, haen da ag ele oh daata, da keeke laanu tutu dayeye, da ag oolagppanu danab laa amunu uug ii mettami. Iitta. Da lailad aɗi ag Makedonianu ahan gona, Korint tena, da aɗi keeke laalanu tutu memi amu ag meɗappig amunu, da ag Korint danab ag uug nakok laa ii mattami; geha ele da anamib hekkulnu dabmettem.

1 Tesalonaika 4:11

Amu anukka ig ag amelagppa amut, amubia ag dabmak tutukku aona, ag toettan daana, ag ahilag keeke tutukku hena, ag akka eppelagppa uɗat heig!

2 Korint 11:12

Amge danab laala, ag akka onilagib humaglagnu oolag daatte amunu, ag danab amelagppaib mattin, kobol da hettem bianab ag hettebnu atteb, amge kobol amunu gaɗaib hetteb ele amu, da ahilag ib amu oo nekkulnu iikku uɗat heinne, da uɗat hettem bia anamib baubau hekkul.

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

Aposel 20:34

Ag aakku dootteb, da eppelppa uɗat hein, men doɗo awen, da keeke aɗinu tutu memi amu daden meinne, danab da ele uɗat hemut amu, da ag ele ehanadmi.

Aposel 20:36

Pol nai amu mattia male, nug Epesus Kristen tamaniak ikki danab ele gatelag qaun ona, Pol nug unuqittom.

3 Jon 1:7

Danab amu ag Jesus Kristus onig humaglagnu iitta aɗi gumadna gotteb, amu ag iitta aɗi dilagppanu uɗat nob ii aotteb.