Aposel 20:33 - Nobonob Baibel

³³ Amu da danab laanu silwa, gol, lamen keeke, da amunu amel qe aolomnab dabmak eheɗ ii aomi.

Aposel 20:33 Referans Kwoze

2 Korint 11:9

Anukka, haen da ag ele oh daata, da keeke laanu tutu dayeye, da ag oolagppanu danab laa amunu uug ii mettami. Iitta. Da lailad aɗi ag Makedonianu ahan gona, Korint tena, da aɗi keeke laalanu tutu memi amu ag meɗappig amunu, da ag Korint danab ag uug nakok laa ii mattami; geha ele da anamib hekkulnu dabmettem.

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

1 Korint 9:18

da nob aɗi aokkul? Dahil nob ena amu inam. Da Nai Ena mehuqttem, uɗat amuppa da keeke da aokkulnu elele daattem amu, da ii awewe, da Nai Ena hamu nob laa iittappa mehuqe, danab madattem.

2 Korint 7:2

Ag oolag amu ig mekkeg! Ig danab laa, nuhigppa eheɗ laa ii hemut. Ig heut, danab laa nug hipunin danab ii dayom. Ig danab laa buppuidtata, nuhig keeke laa ii aɗamut.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.

1 Korint 9:15

Ɗo anam daatte, amge da ɗo amuppa da keeke laa ii aomi. Amu da nai imu yaattem amu, da amuppa keeke aokkulnu ii hettem. Iittanab! Keeke da ehaniɗkkunu, keeke amu da dakka eppelppa hein aottem, amuppa da maɗoɗppan gamag ahak doottem, amu danab laa nug heeb, gamag ahak amu iitta melo am ena iittanab iitta. Am naunab. Da mauhlom am nau anam iitta. Da dahil gamag ahak doottem imu, danab laa nug gamag ahak dahil imu diig, amu dahilppanu aɗila aokkunu am ena iittanab.

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

1 Korint 9:4

⌊Da Barnabas ele⌋ i ⌊tamaniak eppelagppa⌋ ee le ele lakkunihnu elele iittate?

2 Korint 11:7

Da Kayaknu Nai Ena ag amelagppa mehuqen, da nob daden laa ahilagppanu ii awen, kobol amuppa da dakka da aɗailen nein, ag onilag humakkulnu aakkuib hemi amunu attemutai? Da kobol amu hemi amu, da amuppa eheɗ laa hemite?

3 Jon 1:7

Danab amu ag Jesus Kristus onig humaglagnu iitta aɗi gumadna gotteb, amu ag iitta aɗi dilagppanu uɗat nob ii aotteb.