Aposel 20:25 - Nobonob Baibel

²⁵ Ag doyeg! Anukka da ag oolagppa oiyeye, da Kayaknu ɗo maɗoɗnu nai amelagppa mehuqmi, am gemu da doottem, ag oh da iɗul baula ii anidmana.

Aposel 20:25 Referans Kwoze

Aposel 28:31

Nug baɗak iitta ele Kayaknu ɗo maɗoɗnu nai, Naɗi Jesus Kristus, nug nuhignu nai ele danab ah ippuanattatta mehuqom. Nug anam heehe, danab laa nuhignu aib ii aum.

Aposel 20:38

Ag keeke laalanu oo doyak dooppig, amge Pol nug, “Ag da iɗul baula ii anidmana,” aum, nai amunu ag oo doyak naɗi dooppig. Oo doyak doonna, ag Pol omalna gona, uubppa uuidppig.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Kolosi 2:1

Da ag Kolosi danab, Laodisia danab, amu danab oh da iɗul ii anidppig ele, da ag imu dooglagnu ool daatte. Da Kayak ag ehanadkkunu, da haen oh uɗat heɗiag ele hettem.

Galesia 1:22

amge Juda Kristen tamaniak, ag Kristusnu daatteb amu, ag da ii dooiɗppig.

Rom 15:23

Amge gemu amu da wan atu laih ippa amu uɗat hein malami. Amu da matu ami, da maɗ kuɗum ahilagppa gokkulnu dabmettami,

Aposel 8:12

Amge Pilip nug Jesus Kristusnu amu Kayaknu ɗo maɗoɗnu Nai Ena mehuqe, ag doonna, haen amuppa danab ah ele ag oolagppa genab doyeg layattom.

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Luk 9:60

Anam a amu Jesus Nug oɗeppa awa aum. “Uuppe! Mauhak aɗi, ⌊ag danab dahil uɗat haknu dab-ii-metteb ele amu,⌋ ag mauhak lailkad boumatteg! Amge na gona, Kayaknu ɗo maɗoɗnu nai mehuqe!” awa aum.

Matyu 13:52

Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Matyu 13:19

Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Matyu 10:7

Ag gonana amu, ag inam mehuqna aeg! ‘Kayaknu ɗo maɗoɗ miag doum daatte,’ aon aig!

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.