Aposel 20:24 - Nobonob Baibel

²⁴ Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Aposel 20:24 Referans Kwoze

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

2 Korint 12:10

Anam amunu haen da Kristusnu uɗat hekkulnu amu da ɠagattag iitta, haen da Kristusnu uɗat hettem, danab ag amunu da eheɗ heiɗtteb, haen da Kristusnu uɗat hettem, da amunu uug digdig da beɗulppa doottem, amu haen da Kristusnu uɗat hettem, danab ag amunu heeg, da eheɗ daattem ele amu, da haen amuppa oolppa enanagnab doottem. Ao, haen da ɠagattag iitta daattem amu, haen amuppaib aakku da ɠagattagnab daattem.

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Rom 11:6

Amu Kayak Nug danab amu ehanittak okkai hamu madatta tituanattom dayeb amu, Nug ag uɗat heppig amuppa ii diiattom. Ag uɗat heppig amunu Kayak Nug diiattom daalo amu, Kayak Nug ehanittak okkai hamu mettakppa danab diittenu kobol amu keeke hamu daalo, ehanittak okkai hamu mettak kobol amuam meu iitta daalo.

Aposel 14:3

Amunu Pol, Barnabas ele aa haen elab Aikoniam appa baɗak iitta ele Naɗinu nai mehuqeh, Naɗi Nug ɠagattag mate, aa Kayak dabmettaknu kobol danab haknu elele iitta kuɗum digdig ele hepiɗ. Anam heeheh, amuppa Naɗi Nug nuhig ehanittak okkai hamu mettaknu nai, amuam genab, danab ah ippuanattom.

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

Taitus 1:3

Amu Nug haen tituanom ele amu elele antta, Nug he, nai mehuqakppa nuhig nai amu miag atiom. Kayak, Nug ig eɗua awikkom ele amu, Nug da ele nai amu mehuqkkulnu uɗat meɗom.

Galesia 1:1

Da Pol, da am Jesusnu totol danab. Da am danab dilag totol iitta. Laa ele amu, danab laa nug da Jesusnu totol uɗat hekkulnu ii meiɗom. Iitta. Jesus Kristus amu ig Mamenig Kayak, Nug Kristus moɗppanu bau maɗettom ele amu, Nug ele, aa aakkuib da meiɗpiɗ.

2 Korint 5:8

Amge da ami aakku, ig hab aabppanu beɗunig aognignu dabmak aottem. Ig ii aognignu amu ii dabmettem. Ig wan imuppanu beɗunigppa daagnignu am ena doottem, amge ig beɗunig imu uuidpput, Naɗi ele appanig diigppanab daagnignu amu, ig amunu enanag doottem.

Aposel 20:32

Am gemu da ag Naɗi eppegppa maatte, nuhig ehanittak okkai hamu megatte, nai amu waappa daaglagnu ele aakku maadttem. Nuhig ehanittak hamu mekkak, amuam heeb, ag ɠagattag, amu keeke, aug bia, Kayak Nug oppiaawak danab madakkunu aum ele, ag amu oh aoglagnu elele.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Aposel 1:17

Danab amu nug ig ele daatta, ig ele oh uɗat laippu hemut.” Pita nug anam mattion.

Jon 17:4

Uɗat na da meɗame amu, da hein malami, amuppa da wan imuppa na binan amahlak oppiaawak ele mettami.

Revelesen 12:11

Ig lainkad ag Sipsip Nag tiigppa, amu doyak diig genabib mehuqttebppa ele ɠagattag aon, ban eɗidna, kekeɗ amu eɗidppig. Ag wanppa enaib, bau daaglagnu amu ii dabmeppig. Iitta. Ag beɗulag maoeg ukke, bau daaglagnu anuqak ii doon, Jesus onignu mauhmananu dabmak ii aon oippig.

1 Jon 3:16

Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Epesus 3:13

Amunu amu, da iikku ag amelagppa attem. Da uug mawadttem imu amu, da ag ehanadkkulnu mawadttem amunu, ag uug imu dabmenana, ag aib bodoedappig. Ag ii bodoettaglag amu, ag ele binag amahlak oppiaawak ele aoglag.

2 Korint 7:4

Da nai tutukku miag ag amelagppa attem, da ag tutukku oittemnu oolppa genabnab doottem. Da ahilagnu enanagnab doottem. Da oo ɠagattag qettak doottem. Uug kuɗum ihinigppa betteb, amge amu ohppa da maɗoɗppan gamag ahak huanak doottem.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

Taitus 2:11

Kayaknu ehanittak okkai hamu mettak amu, ehanittak amuam eɗua awikkaknu diig, amuam danab oh amelagppa aakku miag atiom.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Aposel 22:21

Da anam ami amge Naɗi Nug da amelppa aum. ‘Na ukke! Da na meidppi, na atu uma, iitta aɗi, amu gumadna gokkut,’ awa aum.” Pol nug anam aum.

1 Tesalonaika 2:2

Ag dootteb, haen ig ag gumadta ii gomut, Pilipai appa amu ig guittak aomut, ag ig beɗunig heeg nauhom, amge ig ihinig Kayak, nuhig ehanittakppa, ig ɠagattag daata, wagai meta, nuhig Nai Ena ag Tesalonaika daatteb ele, ag amelagppa mattimut. Tesalonaika appa ele danab kuɗum ag ig ippunig oo neegkkulagnu heppig, amge ig amunu ii dabmemut. Iitta. Ig nai mehuqmut.

Aposel 20:21

Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

2 Timoti 3:11

Amu danab ag Antiok, Aikoniam, Listra appa dahilppa kobol nau kuɗumppa eheɗ heiɗna, guittak ele meɗappig amu, keeke amu ohnu amu na doottem. Ag eheɗ heiɗak amu oh heppig, amge uug amu ohppa Naɗi Nug da ehaniɗe, da ii nauhe autenab aomi.

Rom 4:4

Ig doottem, haen danab nug uɗat ha, daden nob aotte amu, nob amunu ig ɗo hamu mettak ii attem. Iitta. Keeke amuam ig uɗat haknu nob aakku aotte attem.

Jon 15:27

Amu ag ele dahil nai mattinna oiglagoitte! Aɗinu? Ag digmakppanu da ele daaut uɗie, gemu ele daattem.

Luk 16:28

Aɗinu? Da amalad tanig ele, amu ag ele aben guittak naɗi imuppa uɗimnanu, Lasarus nug nau aomnanu dabmettak nai ab ag dooglagnu ool daatte,’ awa aum.

Aposel 13:25

Layattak Jon nug nai mattia, uɗat malakkunu miag dayaya, nug Juda danab amelagppa aum. ‘Ag dahilnu, “Nug am Kristus,” dabmettebte? Anam iitta. Da am Nug iitta. Amge laa Nug da dimulppa uɗitte amu, Nug am danab okkainab, da am okkai iitta; dahil hak am nuhig bia iitta, dahil am elele iittanab iitta,’ awa aum.

Aposel 15:7

Qagmena ag amunu nai kuɗum mattin hena, Pita nug aha amelagppa aum. “O lailad, ag imu dootteb. Anukka Kayak Nug uɗat ig mekkowa, Nug da iitta aɗi amelagppa Nai Ena appi, ag doon oolagppa genab dooglagnu otiɗom.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.

Aposel 20:23

Amge imuib amu da doottem, da aabaab ohppa oittem amu, Kayak Ouɗi Nug nau aomanu dabmettak nai, da amelppa inam maditte. ‘Geha ag na maniguittakppa meidppeg, na uug kuɗum aokkut,’ awa atte.

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

Revelesen 6:11

Ag anam aeg amu Kayak Nug ag oh anen anen lamen elab hakkab madatta, amelagppa ag nakok laa ele hik aon daappeg, danab nau ag ag lailkad uɗat laippu wanppa daatteb, ahilag ebqak elele daakkunu aqappeg mauhppeg, ahilag ebqak elele dayeb, Kayak Nug danab nau amu nuhikkud danab oh tiilagnu nob eɗukkunu aum.

1 Stori 11:18

Dawit nug anam aum, amu daup nuhig ewam amu ag doon, ag gona, wagainab mena, Pilistia eɗadna, Betlehemnu le moɗppanu le aon, ag eɗun Dawit gumidna goppig. Ag nug gumidna gona, le mettaeg, Dawit nug antta, nug lakkunu elele ii doya, nug, “O Yawe, danab ewam imu ag mauhkkulagnu henana, ag le imu aon uɗippig amunu, le imuam ag tiilag bia. Da lakkulnu elele iittanab iitta,” awa aum. Nug anam ana, nug lanak uua, nug danab wain mana mettak qaɗeppa gokkaɗa, Kayak medatte, nug amubia wanppa gokkaɗom. Ban danab ɠagattagnab ewam amu, ag anam anam heppig.

2 Korint 4:12

Anam amunu, ig mauhak ibppa daatta, Jesusnu nai mehuqutut, ag Korint, ag nai amu oolagppa genab doona, bauklel aotteb.