Aposel 20:19 - Nobonob Baibel

¹⁹ Ag dootteb, haen kuɗum Juda ag da tappiɗppeg nokkulnu heppig, amuppa amu da uug kuɗum aomi, amge da onil qei, honap noono, da Naɗinu uɗat hemi. Da haen kuɗum amel leb neum.

Aposel 20:19 Referans Kwoze

Kolosi 3:24

Aɗinu? Ag dootteb, butti aɗi Naɗi Nug nob ena, Nug danab ah nuhikkud, ahilagnu matu babaittom daatte ele amu, Nug ag madakku. Ag am Kristusnu maɗi nid, Nug am ahilag Naɗi daatte.

2 Korint 2:4

Da anukka ahilag uɗugppa nai uug ele yaami, haen amuppa amu da ahilagnu oolppa uug nau, amu guittak ele doyeye, da huanak ele gaami. Am da ad uɗug yaami amuppa da ag oolag uug medakkulnu ii yaami. Iitta. Da ad uɗug yaami amu, ag da ahilagnu ool okkai mauhtte, amu dooglagnu yaami.

Rom 12:11

Amu ag aib bahilag yom. Iitta! Ag Kayak Ouɗinu ehanittakppa yagbak doon, Naɗinu uɗat pehettak hekkulagnu ag oolag metteg!

Aposel 20:3

Grik wanppa ta, appa nug kalam ewam dayowa, amu dimppa nug aha, uub awa Siria gokkunu haaha, Juda ag nug qeppeg mauhkkunu nai qagappig doyom amunu, nug eɗua Makedonia gokkunu dabmeum.

2 Korint 7:5

Aɗinu? Ig uɗit Makedonia beta, ig beɗunigppa maɗoɗ laa ii dayom. Iitta. Ig daatta, adeppa adeppa neegmut amu, danab eheɗ heikkulagnu daappig anadmut. Ig beɗunig dimittim am nug qak dayeye, oonigppa baɗak digdig dayom.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jems 1:2

O lailad, haen ag ma anttak digdigppa daatteb amu, ag amunu oolag aib ottaiom. Iitta. Ag maɗoɗppan gamag ahak doyeg!

Pilipai 3:18

Aɗinu? Danab kuɗum laa, ag ig oittem bia ii oitteb. Da matu haen kuɗum ag amelagppa danab amunu ami, amubia gemu ele iikku aiyi, amel leb nette. Ag Kristus, Nug ad emaitakppa mauhom, ag dabmak amunu kekeɗab daatteb.

Epesus 6:7

Ag oolag ohppa uɗat henana, ag danabnu uɗat hetteb amubia aib heppig. Iitta. Ag Naɗinu uɗat hetteb amubia heig!

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

2 Korint 3:5

Genabnab ig ikkaib uɗat imu hekkunignu am elele iitta. Keeke anam daatte amunu, ig ikka keeke laa hemut amunu ii amata. Iitta. Kayak Nug nukka he, ig uɗat imu hekkunignu elele daattem.

Aposel 20:31

Amunu ag ⌊nena qemananu⌋ dabmenan dayeg! Ag da maɗ ewam, tuqan, amun ele ag laib laib ag amelagppa hanhan nau aomanu maɗettaknu nai amel leb nak ele matti dooppig amu, ag amu dabmakppa aɗan dayeg!

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

1 Pita 1:6

Gemu haen imuppa ag keeke digdigppa uug dooglagtai, amge ag ehanittak okkai amu aoglagnu daatteb amu, ag amunu maɗoɗppan gamag ahak okkai aotte.

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Aposel 17:13

Ag Jesusnu oolagppa genab dooppig, dimppa Juda laala Tesalonaikanu, ag Pol nug Beria appa Kayaknu nai mehuqtte doona, ag ahan Beria gona, ahilag hak nau amu aon, danab ah appanu oolagppa noeg, ag ahilag nai amu doon ottaina, ahan heegeg,

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Revelesen 7:15

amunu, ag Kayaknu sia king noobppa hippaidna daatteb. Ag nuhig mettid lag ooppa tuqan, amun ele Nug waappa daanna Nug oɗe dim lamidtteb. Laa Nug sia king ⌊anuqak,⌋ appa heɗep neum daatte ele amu, Nug ag ele daan, atognoadkku

2 Timoti 1:4

Da ⌊na uuittitti⌋ na amen leb neum amu amelppa doodo, da maɗoɗppan gamag ahak ambak ele dookkulnu na gumitten gokkulnunab dabmettem.

Aposel 17:5

Ag anam heppig, amge Juda laala ag Pol, Silas ele dilahnu, ihinigppa anam daalon dabmak aɗan daappig amunu, ag ahan, danab bahilkad iitta, ag keeke he nauhak danab, ag ee oɗiak abenppa hamu daappig ele amu, ag danab amunu laala diin qagmaadna heeg, ag ahan heeg, aab okkai amuppan danab ag ele ag muttub qeppig. Ag muttub qeegeg, Juda laala kobol imu digmeppig ele ag Jeson laugppa qaiettan gona, Pol, Silas ele diiatna, dimittim uɗin, danab kuɗum muttub qeppig ele eppelagppa mekkulagnu dabmeppig.

Aposel 21:27

Nug anam he, dimppa deɗ eblaih aɗit amu malakkunu heehe, Juda Asianu ag Pol Kayaknu mettid lag ooppa anidna, ag ahan heeg, danab ah kuɗum daappig ag ottaina ahaeg, Asia danab ag Pol aɗan huana inam eppig.