Aposel 2:46 - Nobonob Baibel

⁴⁶ Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

Aposel 2:46 Referans Kwoze

Aposel 5:42

Anam amu, deɗ oh ag Kayaknu mettid lakka, amu danab ah laulagppa ele oina, Jesus Nug am Kristus, amu mehuqnana ippunadppig. Ag Nai Ena mehuqkkulagnu ii uuppig.

Aposel 2:42

ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

Aposel 20:7

Amu mettidnu deɗ anuqak, deɗ amuppa ig, appan Kristen danab ele oh ee laippu aognignu qagmemut. Am Pol nug wagɗeb deɗ amuppa gokkunu dayom amunu, nug nai elab danab amu amelagppa mattieye ukka, tu meum.

Sam 86:11

O Yawe, da nahip doyak diig genabib dim lamidkkulnu amu, na nahip ib ippuniɗkkutnu oɗ medattem. Ao, da nahipnu ebehil oh bodoetta le mekkunu na heppe, da na dim lamidkkulnu oo laippu dayak dayeye oikkulnu unuqidttem.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Aposel 16:34

Aona amu nug diiata, laugppa ukka, ee matom. Nug, nug baekkudppa ele oh ag maɗoɗppan gamag ahak aoppig. Aɗinu? Ag Kayaknu oolagppa genab dooppig.

Kolosi 3:22

Begbeg maɗi nid ag ahilkad wan imuppanu okkai, keeke ohnu waalagppa dayeg! Ag okkai ahilkad amelagppaib ag oolag ittag aqakkunuib aib heppig. Ag oolag aɗitppa uɗat aib heppig. Iitta! Ag Kayaknu ebehilag oh bodoetta le meeb, ag uɗat tutukkuppaib heig!

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Luk 24:53

Gona ag hanhan Kayaknu mettid lakka daanna, ag Kayak binag menan daadttappig.

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Duteronomi 16:11

Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.

2 Korint 11:3

Amge da baɗattem. Mat nug lokkumakppa kobol kobol hekkunu doya auta awak kobol nuhigppa anukka Ewa bubuitte na qeum amu, amubia kobol anam laa ahilagppa ba eeɗatteb, ag oppiak kobolppa dayaknu ib apiɗidna, ag Kristusnuib daaglagnu daatteb ii dabmemananu ool baɗatte.

Aposel 5:21

Engel anam a amu wagɗe buttuanab totol danab 12 ag ahan gona, Kayaknu mettid lag ooppa nona, danab ah amelagppa engel nai akkulagnu aum ele, ag nai amu danab ah ippunadppig. Amu totol danab 12 ag Kayaknu mettid lag ooppa daaegeg, mana mettak ikki danab amu nuhikkud ehanittak danab ele ag qagmena, Juda dilag hettoɗiak okkai onig Sanhidren, amunu danab, amu Israel dilag ikki danab oh onilagppa eeg, ag uɗieg, ag ahilag daup ag maniguittak lakka gona, totol danab 12 diin uɗiglagnu appig.

Aposel 3:1

Haen amu deɗ laa Pita, Jon ele aa tueb, aam ameg ewamppa, unuqittak haenppa Kayaknu mettid lakka unuqidkkulahnu gopiɗ.

Luk 24:30

dimppa ee lakkulagnu hena, Jesus Nug aa ele oh balalppa daanna, Nug bret awa Kayak amegppa, “Ena heme,” awowa, pane ne, Nug matete,

Matyu 6:22

Na amen am, na beɗun laih laih oh amahlak madatte. Na amen ena dayeb amu, na beɗun laih laih oh am amahlak ele daaglag,

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Epesus 6:5

Begbeg maɗi nid ag wan imuppan gumak danab ahilkad dilagnu ena elele doon, ag ⌊Kayaknu neekkakppa eheɗ hemanananu ag⌋ baɗan, oɗelag dim lamitteg! Ag oolag aɗitppa uɗat aib heppig. Ag Kristus oɗe dim lamidtteb, amubia ahilkad okkai dilag ele anam heig!

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Duteronomi 12:7

Aben amuppa ag, amu ag baelkadppa ele, ag Yawe, ahilag Kayak, ag Nug noobppa hobul naɗi hekkulag. Ag hobul henana, ag Yawe, ahilag Kayak, ag ahilag uɗat heegeg, Nug itittak ena mattom, amunu ag ee, keeke elelenab ele daan oittebnu dabmena, ag gamag ahak okkainab dooglag.

1 Korint 10:16

Ig Pasowanu ee lattem haenppa amu, ig wain itittak ena megatte ele, ig amunu, “Ena heme” atata lautut, amuppa ig Kristus ele iite ouqettem? Amu bret laippu panaut ne, panit lautut, amuppa ig Kristus ele iite ouqettem?