Aposel 2:41 - Nobonob Baibel

⁴¹ Am danab ag Pita nai mattiom, ag amu genab doonna, ahilag ebqak am 3,000 keeke, amu ag layattak aoppig. Aona, ag Jesusnu oolagppa genab dooppig ele, ag amu oolagppa ukkaeg, oh laippu daanna,

Aposel 2:41 Referans Kwoze

Aposel 4:4

Ag anam heppig, amge danab ah kuɗum, aa nai madipiɗ ele amu, ag nai amu doona, ag oolagppa genab dooppig. Amu haen amuppa, oh ag oolagppa genab dooppig ele amu, ag oolagppanu danabib ebqak am 5,000 anam.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Jon 14:12

Da genabnab genab ag amelagppa attem. Laa nug dahilnu ooppa genab dootte ele, nug uɗat da hettem imu, nug ele hekku. Nug uɗat da hettem ele amu, nug uɗat dahil amu eɗittak, okkainab ele hekku. Aɗinu? Da geha Mame toppa gokkul.

Aposel 13:48

Pol nug anam aum, aria haen iitta aɗi ag nai amu doona, ag oolag gamag ahehe, ag Naɗinu nai amu humidnana, danab ah ag Kayaknu bauklel hanhannu aoglagnu daappig ele amu, ag oolagppa genab dooppig.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

Aposel 3:23

Am danab aun laa nug nai amu doyaknu uukku amu, nug Israel oolagppanu geɗittaknab daakku,’ awa aum.

Aposel 7:14

Amu dimppa amu, Josep nug mameg Jakop, Jakop baekkudppa ele oh, danab ah amu ebqak ahilag amu 75, ag nug gumidna gokkulagnu aum.

Aposel 27:37

Ig danab uubppa daamut ele oh amu 276.

Rom 13:1

Gabman uɗat am nukka ii beum. Iitta. Gabman uɗat oh Kayak nukka meum amunu, danab oh ag danab gumaknu ehah ele waalagppa dayeg! Gumaknu ehah anen anen oh daatteb amu, Kayak maattom daatteb

1 Pita 3:20

Ouɗi amu ag am danab anukka Noanu haenppa Kayak oɗe dim ii lamitteg, Kayak Nug pahanab ahilag nob nau madakkunu ii dabmeum. Iitta. Nug oo bodoettak dayeye, Noa nug uub itom. Uub amuppa amu danab ah eblaih ewam ele ag akka ooppa nona daanna, ag danab ah nau ele ouqena, ag ele padal memananu ag leppa ehanittak aoppig.

Revelesen 16:3

Engel ebqak 1 dim lamittak, engel ebqak 2 nug wana, oppoɗi bak, Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe yuppa no, yu eɗua danab mauhak tiig bia daye, yuppanu keeke bau amu ohnab mauhadppig.

Jon 21:11

Jesus anam a amu Saimon Pita nug uubppa ta, uhui kakai ele amu eeɗe, uɗuaman be, kakai okkai okkai amu ebqena, 153 anidppig. Am huanaknab amge uhui nakok laa ii pakkuom.