Aposel 2:22 - Nobonob Baibel

²² Amu Israel danab ag nai imu doyeg! Da ag amelagppa Jesus, Nasaret ted, nuhignu appi dooglag. Ag akka aakku dootteb, Kayak Nug ehanitte, Nug ag oolagppa kobol danab haknu elele iitta, uɗat ɠagattagnab, Kayak dabmettaknu kobol danab haknu elele iitta digdig heum. Kayak he, Jesus anam heum, amuam Kayak Nug Jesus me neum ippunadtte.

Aposel 2:22 Referans Kwoze

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.

Aposel 4:10

Anam dayeb amu, aria gemu ag oh tutukku dooppeg, am Israel buɗub oh ag ele, ag inamib dooglag. Jesus Kristus, Nasaret ted, ag gemu daatteb imu, ag Nug ad emaitakppa atulppig, amge Kayak Nug he, Nug eɗua hibaittom, amu Nug he, danab imu eɗua ena daya oiyeye ag anidtteb.

Luk 11:20

Amge Kayak Nug da ehaniɗe, da ouɗi nau lamadttem dayeb amu ag doyeg; Kayaknu ɗo maɗoɗ aakku ahilagppa uɗiom,” awa aum.

Matyu 12:28

Amge da Kayak Ouɗinu ɠagattagppa ouɗi nau lamadttem dayeb amu, ag doyeg, Kayaknu ɗo maɗoɗ aakku ahilagppa uɗiom,” awa aum.

Matyu 9:8

Ugekke, danab ah kuɗum ag amu anidppig amu, ag Kayaknu ebehilkad oh bodoetta le me, ag Kayak, Nug danab uɗat amu hekkulagnu ɠagattag mattom ele amu, ag Nug binag meppig.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.

2 Korint 12:12

Iitta. Da dakka da ag Korint ag oolagppa dayeye, da am totol danab daattem uɗat dahilppa ippunadmi. Uɗat da uug doyaya eɗittaknuib dabmak awewe hemi am, Kayak dabmettaknu kobol danab haknu elele iitta digdig, uɗat ɠagattagnab, aria kobol danab hekkunu elele iitta laala ele.

Aposel 26:26

Da king nug keeke imu oh dootte oolppa genab doottem amunu, da nug amegppa ii baɗeɗe, da nai imu madittem. Keeke imuam lokkumakppa ii beum amunu da doottem, nug keeke imu oh doyom,” awa aum.

Aposel 26:9

Aria, Nasaret ted Jesusnu amu, da anukka da heppi, Nug onig honapnab nekkununab dabmak ɠagattag aomi.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Aposel 22:8

A amu da ami. ‘Naɗi, na am aun?’ Ai am Nug aum. ‘Da am Jesus, Nasaret ted. Na da eheɗ heiɗttem,’ awa aum.

Aposel 21:28

“Israel danab, ag ig ehanikkeg! Danab imu nug wan atu ohppan danab ihinig huunu, ihinig ɗonu, amu Kayaknu lag imunu ele am ena iitta ippunadtte. Amuib iitta. Nug Grik danab laala ele diie uɗin, Kayaknu mettid lag nuhig tomppan keeke oh ele imu ooppa nona, ag aben imu oppiaawak ele dubuttid medatteb!” Ag anam anana eppig.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 13:16

Aon aeg, aria Pol nug aha, eppeg huma, nug aum. “Ag Israel danab, amu ag iitta aɗi danab ag Kayaknu ebehilkad oh bodoetta le mette amu, ag ele oh doyeg!

Aposel 6:14

Amu nug mattiaya, inam aawo ig doomut. ‘Jesus, Nasaret ted, geha nug Kayaknu mettid lag imu heeb nauheb, anukka Moses nug kobol ig mekkom amu ele Nug eɗukku,’ awa aum,” aon appig.

Aposel 5:35

Nug a, ag heeg, totol danab ag dimittim ukkaeg, nug okkai danab laa daappig amu amelagppa aum. “Ag Israel danab, ag kobol aɗi danab imu dilag hekkulagnu hetteb amu ag dabmeig!

Aposel 3:12

Ag anam heeg, Pita nug anatta, nug amelagppa inam aum. “Israel danab, ag aɗinu keeke imunu dabmak kuɗum aotteb? Amu diig aɗinu ag i iya, ihinih ɠagattagppa, o iitta i iya ihinih ena hakppa i heuɗ, danab imu nug aha tappa oitte dabmak aona, ag amelag behabe, i neekkit-tteb? Anam iittanab, iitta.

Jon 19:19

Pailat nug nai laa ya, ad emaitak igippa atulom. Nai am inam. Jesus Nasaret ted, Juda dilag king.

Jon 15:24

Da kobol danab hekkunu elele iitta, danab laa ii heum ele ahilagppa ii helom amu, ag hipuninnu aab iitta daalob, amge ag anadna, hamu bia doona, da amu da Mamel ele ag ihinihnu nau ninig ele dooppig.

Jon 12:17

Aria, Lasarus nug mauha moɗppa niiom, haen amuppa danab ah kuɗum ag ele daanna, Jesus Nug Lasarus onigppa ewa maɗette, aha dimittim do anidppig amu, ag amunu tuɗidna mattiegeg,

Jon 11:47

Mattieg amu, mana mettak danab okkai, amu ɗo gumak danab-Parasia ele ag Juda dilag hettoɗiak okkai onig Sanhidren, amunu danab oh qagmaadna appig. “Ig attem hekkunig? Danab imu Nug Kayak dabmettaknu kobol danab haknu elele iitta kuɗum hette.

Jon 10:37

Da Mamenu uɗat ii hettem dayeb amu, ag dahil nainu oolagppa genab aib dooppig.

Jon 9:33

Kayak Nug danab imu ii meeb uɗilo amu, Nug keeke inam laa ii helo,” awa aum.

Jon 7:31

Laala ag aɗaglagnu heppig, amge danab ah kuɗum nuhignu oolagppa genab doona, ag appig. “Danab imu Nug Kayak dabmettaknu kobol danab haknu elele iitta kuɗum hette, amu haen Kristus Nug uɗikku amu, Nug Kayak dabmettaknu kobol danab haknu elele iitta kuɗumnab, danab imu eɗittak hekkute? Iitta,” aon appig.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Jon 6:14

Danab ag Jesus Kayak dabmettaknu kobol danab haknu elele iitta he anidppig ele amu ag appig. “Genab ig propet laa nug wan imuppa uɗikkunu nai doomut ele am iikku!” aon appig.

Jon 5:36

Amge keeke laa ele, Mame Nug da meiɗe uɗimi amu ippunadtte. Keeke amuam Jonnu nai eɗidtte. Keeke amuam uɗat da hettem imu. Da Mamel Nug da amu hein malakkulnu meiɗe uɗien hettem.

Jon 4:48

Jesus Nug nug amegppa inam aum. “Da heppi, ag Kayak dabmettaknu kobol danab haknu elele iitta digdig ii anidkkulag amu, ag oolagppa genab iinab dooglag,” awa aum.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Luk 24:18

Aa anam daayya, danab onig Kliopas nug aha amegppa aum. “Amu danab aab laih laihnu oh ag gemu Jerusalem daatteb amu, ag oolagppa na nakka aakkuibtai keeke oh haen imuppa Jerusalem beum am iite doottem?” awa aum.

Matyu 2:23

Nug ukka, aab laa Nasaret appa ta dayom. Amuppa propet ag nai madippig amu, nai amu elele mettom. Nai amuam inam. “Ag nuhignu, Nug am Nasaret danab,” akkulag.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aposel 2:19

Amu da heppi, habppa uɗat ɠagattagnab beppeg, wanppa dahilnu dabmettaknu kobol danab haknu elele iitta ele bekkulag. Kobol amuam inam; tiig, aab ewak, amu aab kah huanaknab tak ele daaglag.

Aposel 2:43

Ag anam henana, danab ah oh ag Kayaknu ebehilag oh bodoetta le meum. Amu Kayak Nug totol danab 12 eppelagppa nuhignu dabmettaknu kobol danab haknu elele iitta kuɗum, digdig ele heum.

Aposel 3:6

Nug ooppa anam aum, amge Pita nug aum. “Da men doɗo iitta, amge da dahil keeke daatte amu, da na medakkul. Jesus Kristus, Nasaret ted, Nug onigppa da na amenppa attem. Na ahan tappan oiye!” awa aum.

Luk 18:37

A amu ag nug amegppa appig. “Jesus, Nasaret ted, Nug uɗitte,” aon appig.