Aposel 19:22 - Nobonob Baibel

²² Nug anam awowa, nug danab aɗit nug ehanidpiɗ ele maate, Makedonia gopiɗ. Aa am Timoti, Erastus ele. Pol nukka Asia prowinsppa, appa nakok dayom.

Aposel 19:22 Referans Kwoze

2 Timoti 4:20

Erastus nug Korint appanu ii ahom; appan daatte, amu Tropimus nug am oɗe ele amunu da nug Miletus appa uuidmi daatte.

Rom 16:23

Amu Gaius, da nug laugppa daaiyi, nug da atognoiɗtte, Kristen tamaniak nug laugppa ele qagmetteb amu, nug ele ag humadtte. Amu Erastus, nug am aab imunu men doɗo gumak danab, amu ig lainig Kwartus ele, aa ele ag humadttep.

Aposel 19:29

Ag anam aon eeg amu ewak baag naɗinab aab okkai amuppa ahehe, danab ah oh ag muttub qenana, ag ahan oh qaiqaɗ qagmak abenppa gonana, ag Gaius, Aristarkus ele aɗualatna eeɗatna ag ele oh goppig. Aa amu Makedonia danab aɗit, aa Pol ele oh oippig.

Aposel 19:10

Maɗ aɗit Pol nug anam heum amunu, danab ah Asia prowinsppa daappig, Juda amu Grik ele, ag oh Naɗinu nai dooppig.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.

Aposel 16:3

Amu Pol nug Timoti antta, oh gokkulagnu oo dayom, amge Juda ag appa daappig ele amu ag dooppig, Timoti mameg nug am Grik danab amu Grik danab ag gaɗa otaɗak ii hetteb amunu, Juda ag oolag nauhmanu Pol nug aha, Timoti gaɗa otaɗom.

Aposel 16:1

Pol, Silas ele aa Derbe teya amu aa goya, Listra tepiɗ. Aab amuppa Kristen danab laippu laa dayom, nug onig Timoti. Nug Juda ah laa, Jesusnu ooppa genab doyom ele, nug nug bekka, mameg amu Grik danab.

Aposel 13:5

Saiprus goya, aa Salamis teya, appa Juda dilag nai doyak lag laalappa teya, aa Kayak nai mehuqeheh, Jon Mak nug ele oh daanna, ahilah ehanatak dayom.

1 Tesalonaika 1:8

Naɗinu nai ag Tesalonaika ag mehuqppig, nai amu do oqotti bia prowins Makedonia, Akaia eleib ii ukkom. Iitta. Aabaab ohppa danab ag, ag Tesalonaika Kayaknu oolagppa genab dooppig, ag nai amu dooppig amunu amu, ig baula ahilagnu amunu akkunignu iitta.

2 Korint 8:1

O lailad, ig Kayak Nug nuhig ehanittak okkai hamu mettak Makedonia Kristen tamaniak matte, ag amuppa aɗi hetteb amu ag amu dooglagnu akkunignu hettem.

2 Korint 1:16

Da inam dabmemi. Da ahilagppa tatam ukkena, da ag uuatten, Makedonia ukkoya, geha da Makedonia uuatte eɗue, ag gumatte goppi, ag da meiɗppeg, Juda gokkulnu dabmemi.

Aposel 20:1

Oqottilag ahom amu iitta me, Pol nug Kristen onilagppa e gumidna uɗieg, nug nai laala ɠagattag aqakkunu amelagppa awowa, uuatta gokkunu dayaya, “Ena dayeg!” awowa, nug aha Makedonia ukkom.

2 Korint 11:9

Anukka, haen da ag ele oh daata, da keeke laanu tutu dayeye, da ag oolagppanu danab laa amunu uug ii mettami. Iitta. Da lailad aɗi ag Makedonianu ahan gona, Korint tena, da aɗi keeke laalanu tutu memi amu ag meɗappig amunu, da ag Korint danab ag uug nakok laa ii mattami; geha ele da anamib hekkulnu dabmettem.

2 Korint 2:13

amge da ool maɗoɗ ele ii daami. Aɗinu? Da layal Taitus da nug ii anidmi amunu, da Troas danab uuatte, da ukke, Makedonia temi.

Aposel 19:21

Keeke amu oh ba ukka malom, dimppa Kayak Ouɗi Nug Pol dabmak mette, Pol nug aha, Makedonia Akaia ele ukkowa, dimppa nug Jerusalem gokkunu dabmeum. Dabma amu nug aum. “Da Jerusalem appa ukkoya, dimppa amu da ukken aab okkai onig Rom ele gokkuloitte,” awa aum.

Aposel 20:34

Ag aakku dootteb, da eppelppa uɗat hein, men doɗo awen, da keeke aɗinu tutu memi amu daden meinne, danab da ele uɗat hemut amu, da ag ele ehanadmi.

2 Korint 8:19

Amuib iitta. Kristen tamaniak danab ag nug ig ele oh oitta, ehanittak uɗat imu oh hekkunignu otippig. Ig uɗat imu oh hetata amu, ig Naɗi onig humagnignu, ig uɗat imu hekkunignu oo geɗak doottem amu ele danab ippunadkkunignu hettem.