Aposel 16:39 - Nobonob Baibel

³⁹ Ag anam doona, ag gona, oo mak nai amelahppa ana, omalateg dimittim doeh amu, ag aa aab okkai amuppa ii daamya, aa ahai laih gokkulahnu oɗ matappig.

Aposel 16:39 Referans Kwoze

Matyu 8:34

Mattieg amu, danab ah aabppanu oh Jesus uɗa tekkulagnu uɗin, ag Nug anidna, ag Nug ahilag wan atuppanu aha, laih gokkunu unuqppig.

Mak 5:17

Mattieg, ag doona amu, ag Jesus Nug wan atu ahilagppanu aha laih gokkunu unuqppig.

Daniel 6:23

Daniel anam a, king doya, nug gamag ahak huananab doya, ag Daniel humappeg bekkunu haknunab aum. Nug a, ag Daniel humaeg be, nug nuhig Kayaknu ooppa genab doyom amunu, ag nug beɗuppa eheɗ o guittak laa ii anidppig.

Daniel 6:16

Ag anam aeg, ɗo anam dayom amunu, king nug haknunab nai anana, ag Daniel aon uɗieg, king Daniel amegppa aum. “Nahip Kayak, na Nug hanhan Nug waappa daan, nuhig maɗi nid daattem amu, Nug heeb, na ena daakkutnu ool daatte,” awa aum. Nug anam awa a, ag nug moɗ naɗi laion daattebppa buɗieg noum.

Aisaia 60:14

Juda danab ah, danab ag eheɗ hadappig ele, danab amu buɗulkad ag uɗin, ag noolagppa dup nona, ikkilag wan yaakku. Ao, laa ag ahilagnu ena iinab dooppig, ag ag noolagppa gatelag qaun ona, ikkilag wan yaakku. Ag anam hena, ag Jerusalemnu, ‘Yawenu Aab Okkai,’ akkulag. Ag, ‘Israel dilag Kayak Oppiaawak Ele, Nug Sion appa ana daatte,’ akkulag.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Aisaia 45:14

Amu Yawe Nug atte. “O danab ah dahilad, da heppi, Isip dilag en, am Kus dilag en ele ag Israel, ahilag daakku. Sabea danab, ag danab elab, ag uɗin, ag Israel noolagppa dup nona, ahilag ehanittak daaglag. Ag maɗi nid ag okkai ahilag uɗat hekkulagnu senppa daanna, nug dim lamidtteb, amubia Sabea danab ah ag uɗin, ahilag ehanittak daaglag. Ag uɗin, ag noolagppa dup nona, ag oo doyakppa oɗ mattan akkulag. ‘Genab, Kayak Nug ag ele daatteb; laa ii daatte. Ge, Kayak laa ii daatte ⌊amu ig ele Nug noobppa dup nota, Nug binag mekkunignu oonig hette⌋!’ akkulag.” Yawe Nug anam awa atte.

Eksodas 11:8

Keeke amu beeb, nahipad ehanittak anuqak danab imu, ag geha uɗin, da noolppa gomelna, ag ɠagattag inam akkulag, ‘Na ukke! Na nahipad danab ah ele, ag pahanab ukkeg!’ Aria, keeke amu oh ba maleb, dimppa amu, geha da Isip uukkul,” awa aum. Moses nug anam awowa, nug oo nauhak nau doyaya, nug Paro uuitta, dimittim ukkom.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.