Aposel 16:36 - Nobonob Baibel

³⁶ Amu gumak danab nug doya, Pol amegppa aum. “Epeɗiak danab ag nai meeg uɗiom am da na, Silas ele uhuqatppi, aa dimittim doya gokkulahnu appig amunu, aa oolah ena dayebeb ukkeɗ!” awa aum.

Aposel 16:36 Referans Kwoze

Aposel 15:33

Aa anam heyaya, nakok haen elab Antiok daayoya, aa eɗuya Jerusalem tamaniakppa gokkulahnu heeh, aa lailti Antioknu ag “Aa maɗoɗ ele enad ukkeɗ!” appig,

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Aposel 16:27

Anam he, gumak danab nug aha, maniguittak lag od matulak anattowa, nug maniguittak danab oh oolna goppig anana, nug qep elab eeɗa, nug nugakka duug wa mauhkkunu heum,

Mak 5:34

Nug anam a amu Jesus Nug aum. “O aɗel, na ootppa genab doome amunu, oɗe nahip iitta meum. Na maɗoɗ ele ukke! Na oɗe amunu guittak baula ii doomna,” awa aum.

2 King 5:19

Naman nug anam a amu, Elisa nug amegppa aum. “Na ootppa maɗoɗ ele ukke!” awa aum. Elisa nug anam a, aria Naman nug Elisa uuitta noa, nakok uma ugekke,

1 Samuel 29:7

am na eheɗ laa heppe, Pilistia danab okkai ag geha nahipnu ag oolag nauhmanu, na oot maɗoɗ ele eɗun ukke!” awa aum.

1 Samuel 25:35

Dawit nug anam awowa, nug Abigel keeke awa uɗia mettom nug eppegppanu awawa, amegppa inam aum. “Nai nahip amu, da doomi, da geha na oot daatte amuib dim lamidkkul amunu, na oot maɗoɗ ele dayebeb, eɗun lautppa ukke!” awa aum.

1 Samuel 20:42

Aa gaaya maloya, Jonatan nug Dawit amegppa aum. “Na ena, oot maɗoɗ ele ukke! Aɗinu? I Yawe onigppa nug ehanittak hekkunihnu nai ɠagattag qeɗa amuɗ, amu Yawe Nug geha amu haen oh dabmedakku. Dabmettebeb amu, i oonihppanu laa nug nai amu tippaleb, aria Yawe Nugib nug epeɗidkku,” awa aum. Jonatan nug anam a, Dawit aha ugekke, Jonatan eɗua, aab okkaippa ukkom.

1 Samuel 1:17

Hana nug anam a, Eli doya, nug nob ma aum. “Na ahan, na oot maɗoɗ ele ukke! Amu Kayak, Israel dilag Kayak, Nug na aɗi keeke Nug unuqidme amu, Nug amu na medakkunu ool daatte,” awa aum.

Ikki Danab 18:6

Ag nug anam hekkunu oɗ mettaeg, nug anam ha, ag amelagppa aum. “Yawe Nug ahilag oiyak amuppa am, Nug anuqa ukkebeb gokkulagde! Ag maɗoɗ aon oiyeg!” awa aum.

Eksodas 4:18

Yawe Nug Moses amegppa nai amu mattia male, Moses nug eɗua, tana Jetro gumitta ukka, amegppa aum. “Na uuiɗppe, da eɗue Isip ukken, da lailad anadkkulnu ool daatte. Ag ana daattebtai, o ag mauhppigtai amu, da dookkul,” awa aum. Jetro nug amunu ena doya, nug Moses amegppa aum. “Amu elele, na maɗoɗ ele ukke!” awa aum.

Aposel 16:23

Rom dilag epeɗiak danab ag anam aeg, ban daup ag eheɗ makkuɗatna, maniguittakppa maatna, Rom dilag epeɗiak danab ag maniguittak gumak danab nug gumata auta aokkunu amegppa appig.

Aposel 16:35

Daaeheh wagɗe buttua amu epeɗiak danab ag heeg, daup danab laala uɗin maniguittak lag gumak danab amegppa appig. “Na danab aɗit amu uuatppe ukkeɗ!” aon appig.