Aposel 16:3 - Nobonob Baibel

³ Amu Pol nug Timoti antta, oh gokkulagnu oo dayom, amge Juda ag appa daappig ele amu ag dooppig, Timoti mameg nug am Grik danab amu Grik danab ag gaɗa otaɗak ii hetteb amunu, Juda ag oolag nauhmanu Pol nug aha, Timoti gaɗa otaɗom.

Aposel 16:3 Referans Kwoze

Galesia 2:3

Ag Nai Ena da mehuqttem ele amu, ag amunu eheɗ doon aib akkulagnu baɗami, amge iitta. Ag ena doona, Taitus nug da ele daamuɗ, nug am Grik danab amunu nug am gaɗa otaɗak iitta, amge qagmakppa ag nug gaɗa otaɗak aokkunu ii appig.

1 Korint 9:20

Amu da Juda danab diiadppi, ag Kristusnu oolagppa genab dooglagnu da oiyeye ukke, Juda danab gumatte ukke amu, da Juda danab bia bein, ag daatteb bia daami. Amu danab ah ag ɗo waappa daatteb amu, da ag diiadppi, ag Kristusnu oolagppa genab dooglagnu da ɗo waappa ii daami, amge ag amelagppa da aniɗppig amu, da ɗo dim lamitte daattem bia daami.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Galesia 2:8

Ao, Kayak Nug Pita ehanitte, nug Juda oolagppa totol uɗat heum, amubia Kayak Nug da ehaniɗe, da iitta aɗi oolagppa totol uɗat hemi.

1 Korint 7:19

Gaɗa otaɗak amu keeke hamu; gaɗa ii otaɗak amu ele keeke hamu, amge Kayaknu haknunab anak dim lamidkkunignu am keeke okkai.

Aposel 15:40

Anam amge Pol nug Silas tituane, gokkulahnu daaeheh, Kristen ag, “Naɗinu ehanittak okkai hamu megatte ahilahppa dayaɗ!” aon appig.

Aposel 15:37

Pol nug anam awa a amu Barnabas nug ena doya, Jon Mak ele oh gokkulagnu oo heum.

Aposel 15:20

Iitta. Ig imuib uɗugppa yaat apput dooglag. ‘Ag doɗ, danab ag doɗ amu main kayak hambuppuak dottolkad madappig ele, ag doɗ amu teppu ii lamana. Ag gappai kobol ii hemana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag doɗ tiig amu ele ii lamana.’ Ig amuib apput dooglag.

Pilipai 2:22

Amge ag dootteb, Timoti nug am danab enanag. Nug am nid mameg ele uɗat hettep, amubia nug da ele Nai Ena mehuqak uɗat heuɗ ukkom.